Mike Tyson: ప్రముఖ బాక్సర్ మైక్ టైసన్‌ను ఓడించిన.. 27 ఏళ్ల యూట్యూబర్
ABN , Publish Date - Nov 16 , 2024 | 11:50 AM
ప్రముఖ బాక్సర్లలో ఒకరైన మైక్ టైసన్ పేరు తెలియని వారు దాదాపు ఉండరని చెప్పవచ్చు. కానీ తాజాగా జరిగిన ఓ మ్యాచ్ ఫైట్‌లో 58 ఏళ్ల టైసన్‌ను 27 ఏళ్ల యూట్యూబర్ ఓడించారు. ఆ వివరాలేంటో ఇక్కడ చుద్దాం.
ప్రపంచ గొప్ప బాక్సర్లలో ఒకరైన 58 ఏళ్ల మైక్ టైసన్‌కు (Mike Tyson) షాక్ తగిలింది. ఓ 27 ఏళ్ల బాక్సర్ జేక్ పాల్ (jake paul) కీలక మ్యాచ్‌లో తనని ఓడించి చరిత్ర సృష్టించాడు. మ్యాచ్ మొత్తంలో టైసన్‌పై జేక్ పాల్ ఆధిపత్యం చెలాయించాడు. ఆ క్రమంలో టైసన్ శరీరం, ముఖంపై బలమైన పంచ్‌లను కొట్టాడు. దీంతో మ్యాచ్‌ను పాల్ 78-74తేడాతో గెలుచుకున్నాడు. అయితే చివరికి పాల్ టైసన్ ముందు వంగి గౌరవంగా నమస్కారం చేయడం విశేషం. మ్యాచ్ ప్రారంభంలో 58 ఏళ్ల వెటరన్ బాక్సర్ అద్భుతంగా ప్రారంభించాడు. కానీ పాల్ తన చాకచక్యాన్ని ప్రదర్శించి, ఎటాక్ చేసి టైసన్ అలసిపోయేలా చేశాడు.
మొదటి రౌండ్ తర్వాత
ఈ మ్యాచులో మైక్ టైసన్ మొదట దూకుడుగా ప్రారంభించాడు. మొదటి రౌండ్‌లో పాల్‌ను కార్నర్‌లోకి నెట్టి అనేక పంచ్‌లు ఇచ్చాడు. ఆ క్రమంలో దిగ్గజ బాక్సర్ పంచ్‌లను పాల్ ధైర్యంగా ఎదుర్కొన్నాడు. ఆ తర్వాత కూడా రెండో రౌండ్‌లో టైసన్ రెండు పంచ్‌లు విసిరాడు. కానీ ఆ తర్వాత జేక్ పాల్ రింగ్‌లో వేగంగా కదలి, టైసన్ అలసిపోయేలా చేసి ఎటాక్ చేశాడు. రెండో రౌండ్‌లో పూర్తిగా దూకుడుగా ప్రదర్శించాడు. ఆ క్రమంలో టైసన్ మూడో రౌండ్, నాల్గవ రౌండ్‌లో చాలా డిఫెన్స్‌గా కనిపించాడు.
ఎవరికి ఎంత డబ్బు వచ్చింది?
ఇక ఐదో రౌండ్‌లో టైసన్ పునరాగమనం చేశాడు. ఇద్దరి మధ్య విపరీతమైన పోటీ నెలకొంది. ఆరో రౌండ్ వరకు కూడా నాకౌట్ కాలేదు. చివరకు యూట్యూబర్ బాక్సర్‌గా మారిన పాల్ తప్పించుకోవడంలో విజయం సాధించి చరిత్రాత్మక విజయాన్ని నమోదు చేసుకున్నాడు. ఆ క్రమంలో ఒక నిర్ణేత 80-72 మార్కులు ఇవ్వగా, ఇద్దరు 79-73 మార్కులు ఇచ్చారు. నివేదిక ప్రకారం ఈ మ్యాచ్ కోసం జేక్ 40 మిలియన్ అమెరికన్ డాలర్లు (రూ. 337 కోట్లు) అందుకోనున్నారు. అదే సమయంలో ఓడిపోయినప్పటికీ, టైసన్‌కు 20 మిలియన్ అమెరికన్ డాలర్లు (రూ. 168 కోట్లు) ఇవ్వబడుతుంది.
నిన్న చెంపచెల్లుకు రివేంజ్
ప్రపంచంలోనే అత్యంత భయంకరమైన బాక్సర్ మైక్ టైసన్ 58 ఏళ్ల వయసులో 19 ఏళ్ల తర్వాత మరోసారి బరిలోకి దిగాడు. 27 ఏళ్ల మాజీ సోషల్ మీడియా ఇన్‌ఫ్లుయెన్సర్, ప్రొఫెషనల్ బాక్సర్ జేక్ పాల్‌తో తలపడ్డాడు. ఇద్దరు ఆటగాళ్ల మధ్య ఈ పోరు టెక్సాస్‌లోని ఆర్లింగ్టన్‌లోని AT&T స్టేడియంలో జరిగింది. ఈ పోరుకు ముందే మైక్ టైసన్ జేక్ పాల్‌ను చెంపదెబ్బ కొట్టాడు. వెంటనే అప్రమత్తమైన భద్రతా సిబ్బంది ఇద్దరినీ అడ్డుకుని అక్కడి నుంచి తీసుకెళ్లిపోయారు. దీనికి సంబంధించిన వీడియో సోషల్ మీడియాలో వైరల్ అయ్యింది. ఈ క్రమంలోనే నేడు జేక్ పాల్ రివేంజ్ తీర్చుకుని టైసన్‌ను ఓడించడం విశేషం. అమెరికా టెక్సాస్‌లో జరిగిన ఈ మ్యాచ్‌ను నెట్‌ఫ్లిక్స్‌లో ప్రత్యక్షంగా వీక్షించవచ్చు.
ఇవి కూడా చదవండి:
Rohit Sharma: రోహిత్ శర్మ ఇంట్లోకి 'జూనియర్ హిట్‌మ్యాన్' ఆగయా.. అభిమానుల విషెస్..
Fire Accident: మెడికల్ కాలేజీలో భారీ అగ్నిప్రమాదం.. 10 మంది చిన్నారులు మృతి
PAN Aadhaar: పాన్ ఆధార్ ఇంకా లింక్ చేయలేదా.. ఇప్పుడే చేసుకోండి, గడవు సమీపిస్తోంది..
Personal Finance: నెలకు రూ. 5 వేలు సేవ్ చేస్తే.. రూ. 2 కోట్ల కోసం ఎన్నేళ్లు కట్టాలి..
Credit Card New Rules: క్రెడిట్ కార్డ్ యూజర్లకు అలర్ట్.. నవంబర్ 15 నుంచి కొత్త రూల్స్.
Read More National News and Latest Telugu News
