Virat Kohli: ``ఈ మనిషి నా సొంతం అయినందుకు``.. సంతోషంగా ఉంది: అనుష్క
ABN , Publish Date - Jun 30 , 2024 | 09:05 AM
దాదాపు 11 ఏళ్ల తర్వాత టీమిండియా ఓ ఐసీసీ టైటిల్ సాధించడంతో యావత్ దేశం సంబరాల్లో మునిగిపోయింది. మైదానంలో ఆటగాళ్లను మించిన ఆనందాన్ని అనుభవించింది. మాజీ క్రికెటర్లు, అభిమానులు తమ సంతోషాన్ని సోషల్ మీడియా ద్వారా వ్యక్తం చేస్తున్నారు.
దాదాపు 11 ఏళ్ల తర్వాత టీమిండియా ఓ ఐసీసీ టైటిల్ (T20 Worldcup) సాధించడంతో యావత్ దేశం సంబరాల్లో మునిగిపోయింది. మైదానంలో ఆటగాళ్లను మించిన ఆనందాన్ని అనుభవించింది. మాజీ క్రికెటర్లు, అభిమానులు తమ సంతోషాన్ని సోషల్ మీడియా ద్వారా వ్యక్తం చేస్తున్నారు. టీమిండియా ఆటగాళ్లపై ప్రశంసలు కురిపిస్తున్నారు. టీమిండియా స్టార్ బ్యాట్స్‌మెన్, ఫైనల్ మ్యాచ్‌లో అద్భుత ఇన్నింగ్స్ ఆడి ``ప్లేయర్ ఆఫ్ ది మ్యాచ్``గా నిలిచిన కోహ్లీని (Virat Kohli) ఫ్యాన్స్ ఆకాశానికి ఎత్తేస్తున్నారు.
అంతర్జాతీయ టీ20లకు కోహ్లీ రిటైర్మెంట్ ప్రకటించిన సంగతి తెలిసిందే. ఈ నేపథ్యంలో కోహ్లీ గురించి అతడి భార్య అనుష్క శర్మ (Anushka Sharma) ఓ ఎమోషనల్ పోస్ట్ చేసింది. జాతీయ జెండా ధరించి ట్రోఫీ పట్టుకున్న కోహ్లీ ఫొటోను ఇన్‌స్టాగ్రామ్‌లో పోస్ట్ చేసింది. ``ఈ మనిషిని ఎంతో ప్రేమిస్తున్నా. నువ్వు నా వాడివి అని చెప్పుకుంటున్నందుకు ఎంతో కృతజ్ఞురాలిని. ఈ క్షణాన్ని సెలబ్రేట్ చేసుకునేందుకు నా కోసం మెరిసే నీటిని తీసుకుని రా`` అంటూ కామెంట్ చేసింది. అనంతరం టీమిండియా ఆటగాళ్లు సెలబ్రేట్ చేసుకుంటున్న పలు ఫొటోలను పంచుకుంది.
``విజయం తర్వాత ఆటగాళ్లు కన్నీళ్లు పెట్టుకుంటుంటే నా కూతురు ఆందోళన చెందింది. వారిని కౌగిలించుకోవడానికి ఎవరైనా ఉంటే బాగుణ్ను అనుకుంది. అవును డార్లింగ్.. వారిని 150 కోట్ల మంది కౌగిలించుకుంటున్నారు. ఎంత అద్భుమైన విజయం. అభినందనలు.. ఛాంపియన్స్`` అంటూ అనుష్క కామెంట్ చేసింది.
ఇవి కూడా చదవండి..
T20 Worldcup: ఓటమి తప్పదనుకునే దశలో హార్దిక్ ఏం చేశాడో చూడండి.. క్లాసెన్ అవుట్ టర్నింగ్ పాయింట్!
మరిన్ని క్రీడా వార్తలు కోసం క్లిక్ చేయండి..
