IND vs NZ: కెరీర్ లోనే చెత్త షాట్ అది.. ఆ విషయం కోహ్లీకి కూడా తెలుసు

పూణె: న్యూజిలాండ్‌తో జరుగుతున్న మూడు మ్యాచ్‌ల టెస్టు సిరీస్‌లో భారత్ బ్యాటింగ్ పతనం దిశగా సాగుతోంది. అందులో భాగంగానే కోహ్లీ పేలవమైన బ్యాటింగ్ జట్టు ఆశలను మరింత దిగజార్చింది. భారీ అంచనాల మధ్య క్రీజులోకి ఎంట్రీ ఇచ్చిన కోహ్లీ ఒకే ఒక్క పరుగుతో సరిపెట్టుకుని కెరీర్ లోనే అత్యంత చెత్త ప్రదర్శన చేశాడనే అపకీర్తి తెచ్చిపెట్టుకున్నాడు. కోహ్లీ షాట్ తో స్టేడియం మొత్తం ఒక్కసారిగి నిశ్శబ్దం అలుముకుంది. అతడి ప్రదర్శనపై మాజీ క్రికెటర్ సంజయ్ మంజ్రేకర్ సైతం ఘాటుగా స్పందించాడు. ’కోహ్లీ తన కెరీర్ లోనే అత్యంత చెత్త షాట్ ఆడాడు. ఆ విషయం అతడికి కూడా తెలుసు. ఎప్పటిలాగే కోహ్లీ మరింత స్ట్రాంగ్ గా పుంజుకుంటాడని ఆశిస్తున్నా అంటూ ఎక్స్ వేదికగా తెలిపాడు.