MS Dhoni: ఫంక్షన్‌లో హుక్కా పీలుస్తూ కనిపించిన ధోనీ.. నెట్టింట హల్‌చల్ చేస్తున్న వీడియో!
ABN , Publish Date - Jan 07 , 2024 | 10:17 AM
టీమిండియా మాజీ కెప్టెన్ ఎం‌ఎస్ ధోనీకి క్రికెట్ నుంచి రిటైర్ అయిన తర్వాత కూడా క్రేజ్ ఏమాత్రం తగ్గలేదు. ధోనీ ఏం చేసినా అది పెద్ద వార్తగా మారిపోతూ ఉంటుంది. తాజాగా ధోనీకి సంబంధించిన ఓ ప్రైవేట్ వీడియో సోషల్ మీడియాలో బాగా వైరల్ అవుతోంది.
టీమిండియా మాజీ కెప్టెన్ ఎం‌ఎస్ ధోనీకి (MS Dhoni) క్రికెట్ నుంచి రిటైర్ అయిన తర్వాత కూడా క్రేజ్ ఏమాత్రం తగ్గలేదు. ధోనీ ఏం చేసినా అది పెద్ద వార్తగా మారిపోతూ ఉంటుంది. తాజాగా ధోనీకి సంబంధించిన ఓ ప్రైవేట్ వీడియో (Dhoni hookah video) సోషల్ మీడియాలో బాగా వైరల్ అవుతోంది. ఓ ఫంక్షన్‌కు హాజరైన ధోనీ తన స్నేహితులతో కలిసి హుక్కా పీలుస్తూ కనిపించాడు. ఎవరో ఆ ఘటనను వీడియో తీసి సోషల్ మీడియాలో పోస్ట్ చేశారు. ఆ వీడియో (Dhoni Video) చూసి చాలా మంది ఆశ్చర్యపోతున్నారు.
ధోనీ హుక్కా వీడియో వైరల్ అవుతున్న నేపథ్యంలో సీఎస్కే మాజీ సహచరుడు జార్జ్ బెయిలీ గతంలో చేసిన వ్యాఖ్యలు వైరల్ అయ్యాయి. ``ధోనీకి కొంచెం షీషా లేదా హుక్కా పొగతాగడం ఇష్టం. ధోనీ గదిలో హుక్కు సెటప్ ఎక్కువగా కనిపించేది. దానిని దాచుకోవాలని ధోనీ అనుకోడు. ధోనీ హుక్కా పీలుస్తున్నప్పుడు అక్కడ చాలా మంది యువ ఆటగాళ్లు సరదాగా కూర్చుంటారు. అర్థరాత్రి అతని గదిలో ఆట గురించి విభిన్న ఆటగాళ్ల గురించి మాట్లాడాల్సి ఉంటుంది. అలాంటి సమయంలో సరదాగా గడపడానికి ఇది ఒక గొప్ప మార్గం`` అని గతంలో బెయిలీ వ్యాఖ్యానించాడు.
కాగా, ప్రస్తుతం వైరల్ అవుతున్న వీడియోను ఎప్పుడు, ఎక్కడ చిత్రీకరించారనేది మాత్రం బయటకు రాలేదు. కొంత కాలం క్రితం ఒక ప్రైవేట్ పార్టీలో ఈ వీడియోను చిత్రీకరించినట్లు తెలుస్తోంది. అంతర్జాతీయ క్రికెట్ నుంచి రిటైర్ అయినప్పటికీ ధోనీ ఐపీఎల్ ఆడుతున్నాడు. తన ఫిట్‌నెస్‌ను కాపాడుకునేందుకు ఎన్నో జాగ్రత్తలు తీసుకునే ధోనీ ఇలా హుక్కా తాగుతూ కెమేరా కంటికి చిక్కడం చాలా మందిని ఆశ్చర్యపరుస్తోంది.
