Kumaram Bheem Asifabad: వైకల్యాన్ని జయించి.. మూడు ప్రభుత్వ ఉద్యోగాలు

ఆసిఫాబాద్‌ రూరల్‌, నవం బరు 15(ఆంధ్రజ్యోతి): ఒక్క ఉద్యోగం సాధించానికే చాలా కష్టమవుతున్న ఈ రోజుల్లో మూడు ప్రభుత్వఉద్యోగాలు సాధించి తన ప్రతిభను చాటు కున్నాడు పట్టణానికి చెందిన పుల్లూరి రాహుల్‌. ఇటీవల ప్రక టించిన ఉపాధ్యాయ ఫలితాల్లో స్కూల్‌అసిస్టెంట్‌గా, ఎస్జీటీ ఉద్యోగాలకు ఎంపిక అవ్వగా, గురువారం ప్రకటించిన గ్రూపు-4లోనూ వార్డు ఆఫీసర్‌ ఉద్యోగాన్ని పొందాడు. ప్రస్తుతం రాహుల్‌ స్కూల్‌ అసిస్టెంట్‌గా విధులు నిర్వహిస్తున్నాడు. పూర్తి స్థాయి అంధత్వం ఉన్నా అందరితో పాటు సాధారణ పాఠశాల, కళాశా లలో చదివి ఉత్తమఫలితాలను సాధించి ఆదర్శంగా నిలిచాడు. ఆసిఫాబాద్‌ పట్టణానికి చెందిన పుల్లూరి రాజబాపు, సుజాతల రెండో కుమారు డైన రాహుల్‌ విద్యాభ్యాసం మొత్తం జిల్లాలోనే పూర్తి చేశాడు. వీరితండ్రి ప్రస్తుతం ట్రైబల్‌ వెల్ఫేర్‌ డిపార్టుమెంట్‌లో డిప్యూటీ సెక్రెటరీగా పనిచేస్తున్నాడు. కాగా భవిష్యత్‌లో గ్రూప్స్‌ సాధించడమే లక్ష్యంగా పెట్టుకున్నట్లు రాహుల్‌ పేర్కొన్నాడు.