Kumaram Bheem Asifabad: హోరాహోరీగా కొనసాగుతున్న రాష్ట్రస్థాయి హ్యాండ్‌బాల్‌ పోటీలు
ABN , Publish Date - Nov 03 , 2024 | 10:43 PM
ఆసిఫాబాద్‌రూరల్‌, నవంబరు 3(ఆంధ్రజ్యోతి): ఆసిఫాబాద్‌ జిల్లాకేంద్రంలోని గిరిజనబాలికల ఆదర్శ పాఠశాల ఆవరణలో గడిగొప్పుల సదానందం(పీడీ) జ్ఞాపకార్థం జరుగుతున్న రాష్ట్రస్థాయి సబ్‌జూనియర్‌ బాలికల హ్యాండ్‌బాల్‌ పోటీలు రెండోరోజు ఆదివారం హోరాహోరీగా సాగాయి.
ఆసిఫాబాద్‌రూరల్‌, నవంబరు 3(ఆంధ్రజ్యోతి): ఆసిఫాబాద్‌ జిల్లాకేంద్రంలోని గిరిజనబాలికల ఆదర్శ పాఠశాల ఆవరణలో గడిగొప్పుల సదానందం(పీడీ) జ్ఞాపకార్థం జరుగుతున్న రాష్ట్రస్థాయి సబ్‌జూనియర్‌ బాలికల హ్యాండ్‌బాల్‌ పోటీలు రెండోరోజు ఆదివారం హోరాహోరీగా సాగాయి. మధ్యాహ్నం వరకు లీగ్‌ మ్యాచ్‌లు జరుగగా ఈ మ్యాచ్‌లలో ఉమ్మడి ఆదిలాబాద్, కరీంనగర్‌, మహబూబ్‌నగర్‌, రంగారెడ్డి జిల్లాల జట్లు సెమీఫైనల్‌కు చేరుకున్నాయి. మధ్యాహ్నం జరిగిన సెమీ ఫైనల్‌ పోటీల్లో కరీంనగర్‌పై ఆదిలాబాద్ జట్టు విజయం సాధించగా, రంగారెడ్డి జట్టుపై మహబూబ్‌నగర్‌ జట్టు గెలుపొందింది. గెలుపొందిన క్రీడాజట్లకు సోమవారం ఫైనల్‌పోటీలు నిర్వహించనున్నారు. కార్యక్రమంలో క్రీడాధికారి మీనారెడ్డి, పీడీలు, పీఈటీలు అరవింద్‌, సాగర్‌, రాకేష్‌ తదితరులు పాల్గొన్నారు.
