Kumaram Bheem Asifabad: పాఠశాలలో నెలకొన్న సమస్యలు పరిష్కరిస్తాం

-సబ్‌ కలెక్టర్‌ శ్రద్ధా శుక్లా

కాగజ్‌నగర్‌, నవంబరు 23 (ఆంధ్రజ్యోతి): ప్రభుత్వ రెసిడెన్షియల్‌ పాఠశాలలో నెలకొన్న సమస్యలను పరిష్కరించేందుకు కృషి చేస్తున్నట్టు కాగజ్‌నగర్‌ సబ్‌ కలెక్టర్‌ శ్రద్ధా శుక్లా తెలిపారు. శనివారం గన్నారంలోని పలు రెసిడెన్షియల్‌ పాఠశాలలను ఆమె పరిశీలించారు. ఈ సందర్భంగా వివిధ సమస్యలను అడిగి తెలుసుకున్నారు. అనంతరం ఆమె మాట్లాడుతూ పెండింగ్‌ సమస్యలను పరిష్కరించేందుకు చర్యలు తీసుకుంటామని తెలిపారు. విద్యార్థినులకు ఎలాంటి ఇబ్బందులు లేకుండా చక్కటి వాతావరణంలో చదువు చెప్పేలా అధికారులు చర్యలు తీసుకోవాలన్నారు. సమావేశంలో తహసీల్దార్‌ కిరణ్‌, పాఠశాలల సిబ్బంది పాల్గొన్నారు. అనంతరం నజ్రూల్‌నగర్‌లోని 12వ నంబరు ఎన్నికల పోలింగ్‌ బూత్‌ను పరిశీలించారు. ఓటరు జాబితాలో సవరణలు ఉంటే మార్పులు చేయాలని అధికారులకు సూచించారు.