IIT: హైదరాబాద్‌లో నేడు, రేపు ఇన్వెంటివ్-2024
ABN , Publish Date - Jan 19 , 2024 | 07:43 AM
సంగారెడ్డి జిల్లా: కందిలోని ఐఐటీ హైదరాబాద్‌లో శుక్ర, శనివారాల్లో జాతీయ స్థాయి మెగా ఇన్నోవేషన్‌ ఫెయిర్‌ ప్రారంభంకానున్నది. ఈ ఇన్వెంటివ్ - 2024 కార్యక్రమాన్ని కేంద్రమంత్రి ధర్మేంద్ర ప్రధాన్ వర్చువల్‌గా ప్రారంభిస్తారు.
సంగారెడ్డి జిల్లా: కందిలోని ఐఐటీ హైదరాబాద్‌లో శుక్ర, శనివారాల్లో జాతీయ స్థాయి మెగా ఇన్నోవేషన్‌ ఫెయిర్‌ ప్రారంభంకానున్నది. ఈ ఇన్వెంటివ్ - 2024 కార్యక్రమాన్ని కేంద్రమంత్రి ధర్మేంద్ర ప్రధాన్ వర్చువల్‌గా ప్రారంభిస్తారు. దేశంలోని పలు ఐఐటీ, ఎన్ఐటి, ట్రిపుల్ ఐటిలకు చెందిన విద్యార్థుల ఆవిష్కరణల ప్రదర్శన జరగనుంది. ఈ ఫెయిర్‌లో 23 ఐఐటీలు, బెంగళూరులోని ఐఐసీ, ఐఐఐటీలు, ఎన్‌ఐటీలు పాల్గొననున్నాయి.
వైద్యం, వ్యవసాయం, ఫుడ్‌ ప్రాసెసింగ్‌, రక్షణ, అంతరిక్షం, పరిశ్రమలు, సుస్థిరమైన టెక్నాలజీ అంశాల్లో 53 సాంకేతిక విద్యా సంస్థలు తమ 120 నూతన ఆవిష్కరణలను ప్రదర్శించనున్నాయి. ఈ ఫెయిర్‌కు దేశంలోని 2వేల మంది ఔత్సాహిక పారిశ్రామికవేత్తలు హాజరుకానున్నారు. ఐఐటీ, ఐఐఐటీ, ఎన్‌ఐటీ విద్యా సంస్థలు తమ కొత్త ఆవిష్కరణలను ఈ సెంటర్‌లో ప్రదర్శిస్తాయి. ఈ కార్యక్రమానికి ఐఐటీ హైదరాబాద్ గవర్నింగ్‌ బాడీ చైర్మన్‌ బీవీఆర్‌ మోహన్‌రెడ్డి, ఐఐటీ డైరెక్టర్‌ మూర్తి తదితరులు పాల్గొంటారు.
