అర్బన్‌ బ్యాంకు అభివృద్ధికి సమష్టి కృషి
ABN , Publish Date - Nov 16 , 2024 | 12:06 AM
కరీంనగర్ సహకార అర్బన్‌ బ్యాంకు అభివృద్ధికి పాలకవర్గం, ఉద్యోగులు సమష్టిగా కృషి చేస్తున్నారని బ్యాంకు అసోసియేట్‌ చైర్మన్‌ గడ్డం విలాస్‌రెడ్డి అన్నారు. శుక్రవారం బ్యాంకు ఆవరణలో 71వ అఖిల భారత సహకార వారోత్సవాల సందర్భంగా ఏర్పాటు చేసిన సహకార పతాకాన్ని ఆయన ఆవిష్కరించారు.
కరీంనగర్ టౌన్‌, నవంబరు 15 (ఆంధ్రజ్యోతి): కరీంనగర్ సహకార అర్బన్‌ బ్యాంకు అభివృద్ధికి పాలకవర్గం, ఉద్యోగులు సమష్టిగా కృషి చేస్తున్నారని బ్యాంకు అసోసియేట్‌ చైర్మన్‌ గడ్డం విలాస్‌రెడ్డి అన్నారు. శుక్రవారం బ్యాంకు ఆవరణలో 71వ అఖిల భారత సహకార వారోత్సవాల సందర్భంగా ఏర్పాటు చేసిన సహకార పతాకాన్ని ఆయన ఆవిష్కరించారు. ఈసందర్భంగా ఆయన మాట్లాడుతూ సభ్యుల సహకారంతో బ్యాంకు అభివృద్ధి పథంలో ముందుకెళ్తోందన్నారు. ఇటీవల గంగాధరలో కొత్తగా బ్యాంకు శాఖను ప్రారంభించామ తెలిపారు. త్వరలోనే హుస్నాబాద్‌, చొప్పదండిలో కూడా బ్యాంకుశాఖలు ఏర్పాటు చేసేందుకు కృషి చేస్తున్నామని చెప్పారు. ఈ కార్యక్రమంలో సభ్యులు మడుపు మోహన్‌, ముక్క భాస్కర్‌, మహ్మద్‌ కలీమ్‌ఖాన్‌, బీరం ఆంజనేయులు, రేగొండ సందీప్‌, మూల లక్ష్మిరవీందర్‌రెడ్డి, ఎ.విద్యాసాగర్‌, లక్ష్మణ్‌రాజు, మంగి రవీందర్‌, బ్యాంకు సీఈవో నునుగొండ శ్రీనివాస్‌, సహకార శిక్షకుడు ఎస్‌.వెంకటేశ్వర్లు పాల్గొన్నారు.
