నేటి నుంచి మృగశిర

కరీంనగర్‌ కల్చరల్‌, జూన్‌ 6: రోహిణిలో రోళ్లు పగిలే ఎండలు గుండెల్లో దడ పుట్టించి తమ ప్రతాపాన్ని చూపి కాస్త తగ్గాయి. మృగశిర కార్తి శనివారం ఉదయం గంటలు 11-44 నిముషాలనుంచి నుంచి ప్రారంభమై 21వ తేదీ వరకు కొనసాగనుంది. ఈ కార్తి రైతులకు అనుకూలమైంది. ఈ సమయంలో విత్తనాలు విత్తి పొలం పనులు ప్రారంభించుకుంటారు. రూంసాహారులుకార్తి ప్రారంభం రోజు నుంచి ఆరుద్ర ప్రారంభమయ్యేవరకు వీలునుబట్టి చేపలు తినడం ఆనవాయితీగా వస్తుంది. అస్తమా రోగులకు ఆయుర్వేద వైద్యులు ఆస్తమా, ఉబ్బసానికి చేపమందు ఇదే కార్తిలో అందిస్తుంటారు.

ఫ ఫిష్‌ మార్కెట్లు కళకళ

అటు చేపమందు, ఇటు చేపలు తినాలనడంతో నాలుగైదు రోజుల ముందు నుంచే జిల్లా కేంద్రంలోని, నగర శివారులోగల చేపల మార్కెట్లు జనాలతో కళకళలాడుతున్నాయి. మరోవైపు గ్రామాల్లోని చెరువుల్లో చేపలను పట్టి తిరుగుతూ అమ్ముతున్నారు. సాధారణ రోజులకంటే చేపలకు ధరలు పెరిగాయి.