పేద విద్యార్థుల అభ్యున్నతికి కృషి
ABN , Publish Date - Dec 27 , 2024 | 12:29 AM
పేద విద్యార్థుల అభ్యున్నతికి కృషి చేస్తున్నామని బీసీ ఆజాది యూత్‌ ఫెడరేషన్‌ జాతీయ అధ్యక్షుడు జక్కని సంజయ్‌కుమార్‌ అన్నారు.
హుజూరాబాద్‌, డిసెంబరు 26 (ఆంధ్రజ్యోతి): పేద విద్యార్థుల అభ్యున్నతికి కృషి చేస్తున్నామని బీసీ ఆజాది యూత్‌ ఫెడరేషన్‌ జాతీయ అధ్యక్షుడు జక్కని సంజయ్‌కుమార్‌ అన్నారు. హుజూరాబాద్‌లో పూలే జ్ఞాన కేంద్రం పేరిట ఏర్పాటు చేస్తున్న కోచింగ్‌ సెంటర్‌ పోస్టర్‌ను ఆయన గురువారం ఆవిష్కరించారు. ఈ సందర్భంగా సంజయ్‌కుమార్‌ మాట్లాడుతూ ఉద్యోగాలకు సన్నద్ధమవుతున్న బీసీ విద్యార్థులకు ఫెడరేషన్‌ ఆధ్వర్యంలో రాష్ట్ర స్థాయి ఉచిత కోచింగ్‌ సెంటర్‌ను ఏర్పాటు చేస్తున్నామన్నారు. జనవరి 20న ఈ కోచింగ్‌ సెంటర్‌ను హుస్నాబాద్‌ నియోజకవర్గ కేంద్రంలో ఏర్పాటు చేస్తున్నట్లు తెలిపారు. ఉద్యోగాలకు సన్నద్ధమవుతున్న పేద బీసీ విద్యార్థులు ఈ కోచింగ్‌ సెంటర్‌ను సద్వినియోగం చేసుకోవాలన్నారు. సమావేశంలో కోచింగ్‌ సెంటర్‌ నిర్వాహకుడు కరీం రాజు, నాయకులు కుడికల భాస్కర్‌, శ్రీనివాస్‌, సంపత్‌, కుమార్‌, రమేష్‌, సంపత్‌కుమార్‌, సదానందం పాల్గొన్నారు.
