Lab Technician: 10న ల్యాబ్‌ టెక్నీషియన్‌ రాత పరీక్ష
ABN , Publish Date - Nov 05 , 2024 | 04:46 AM
ల్యాబ్‌ టెక్నీషియన్‌ (ఎల్టీ) నియామక పరీక్ష ఈ నెల 10న జరగనుంది. కంప్యూటర్‌ ఆధారితంగా మధ్యాహ్నం 3 గంటల నుంచి 4.20 గంటల వరకు ఈ పరీక్ష జరుగుతుందని మెడికల్‌ బోర్డు కార్యదర్శి గోపికాంత్‌ రెడ్డి ఓ ప్రకటన విడుదల చేశారు.
నిమిషం ఆలస్యమైన అనుమతించబోమన్న మెడికల్‌ బోర్డు
హైదరాబాద్‌, నవంబరు 4 (ఆంధ్రజ్యోతి): ల్యాబ్‌ టెక్నీషియన్‌ (ఎల్టీ) నియామక పరీక్ష ఈ నెల 10న జరగనుంది. కంప్యూటర్‌ ఆధారితంగా మధ్యాహ్నం 3 గంటల నుంచి 4.20 గంటల వరకు ఈ పరీక్ష జరుగుతుందని మెడికల్‌ బోర్డు కార్యదర్శి గోపికాంత్‌ రెడ్డి ఓ ప్రకటన విడుదల చేశారు. మొత్తం 22 వేల మంది అభ్యర్ధులు ఈ పరీక్షకు హాజరుకానున్నారు. అభ్యర్థులు పరీక్ష హాల్‌లోకి రిపోర్టు చేేస సమయం మధ్యాహ్నం 1.30 గంటలు కాగా, 2.45 గంటలకు గేటు మూసివేస్తామని బోర్డు కార్యదర్శి స్పష్టం చేశారు. నిమిషం ఆలస్యమైనా అభ్యర్థులను పరీక్ష హాలులోకి అనుమతించబోమన్నారు.
