ఆర్టీసీ బస్సును ఢీకొట్టిన కేరళ బస్సు
ABN , Publish Date - Nov 08 , 2024 | 11:40 PM
మండలంలోని జాతీయ రహదారి జానంపేట వద్ద ఆర్టీసీ బస్సును, ఓ ప్రైవేటు బస్సు వెనకాల ఢీకొంది.
- 44వ జాతీయ రహదారిపై జానంపేట వద్ద ఘటన
మూసాపేట, నవంబరు 8 (ఆంధ్రజ్యోతి): మండలంలోని జాతీయ రహదారి జానంపేట వద్ద ఆర్టీసీ బస్సును, ఓ ప్రైవేటు బస్సు వెనకాల ఢీకొంది. ఈ ఘటన శుక్రవారం రాత్రి చోటుచేసుకుంది. స్థానికుల కథనం ప్రకారం.. హైదరాబాద్‌ నుంచి ప్రైవేటు బస్సు కేరళ బయలుదేరింది. మహబూబ్నగర్ నుంచి వన పర్తి వెళ్తున్న ఆర్టీసీ బస్సు హైవేపై జానంపేట వద్ద కాస్త స్లో అవడంతో ప్రైవేటు బస్సును రాసుకుంటూవెళ్లింది. ఈ ప్రమాదంలో రెండు బస్సుల్లో ఉన్న ప్రయాణికులకు ఏమీ కాలేదు. ఆర్టీసీ బస్సు స్వల్పంగా దెబ్బతిన్నది.
