సర్వే వివరాల నమోదులో ఆపరేటర్లదే కీలక పాత్ర
ABN , Publish Date - Nov 20 , 2024 | 10:44 PM
సర్వే వివరాల నమోదులో ఆపరేటర్లదే కీలకపాత్ర అని రెవెన్యూ అదనపు కలెక్టర్‌ బెల్‌షాలం అన్నారు.
నారాయణపేట టౌన్‌, నవంబరు 20 (ఆంధ్రజ్యోతి): సర్వే వివరాల నమోదులో ఆపరేటర్లదే కీలకపాత్ర అని రెవెన్యూ అదనపు కలెక్టర్‌ బెల్‌షాలం అన్నారు. జిల్లా కేంద్రంలోని సింగారం స్కిల్‌ డెవలప్‌మెంట్‌ కేంద్రంలో సర్వే వివరాల నమోదుపై మీసేవ, సీసీఎస్‌, తహసీల్దార్‌, ఎంపీడీవో కార్యాలయ డేటా ఎంట్రీ ఆపరేటర్లతో సమావేశం నిర్వహించి మాట్లాడారు. తప్పులకు ఆస్కారం లేకుండా వివరాలు నమోదు చేయా లన్నారు. కుటుంబ వివరాలను గోప్యంగా ఉంచాలని సూచించారు. కార్యక్రమంలో భాగంగా ఈడీ ఎం విజయ్‌ సమగ్ర కుటుంబ ఇంటింటి సర్వే ఫారాల నమోదు ప్రక్రియపై పవర్‌ పాయింట్‌ ప్రజంటేషన్‌ ద్వారా వివరించారు. సీపీవో యోగానంద్‌, శ్రీదేవి, డీపీవో కృష్ణ తదితరులున్నారు.
