Ponnam Prabhakar: రుణమాఫీ ఎప్పుడు?... రైతు బంధు ఎప్పుడిస్తరు

• మంత్రి పొన్నం ప్రభాకర్‌ను నిలదీసిన మహిళ

చిగురుమామిడి, నవంబరు 29 (ఆంద్రజ్యోతి): కరీంనగర్‌ జిల్లాలో పర్యటించిన మంత్రి పొన్నం ప్రభాకర్‌ను ‘‘రైతుబంధు ఎప్పుడిస్తారు?’’ అంటూ ఓ మహిళా నిలదీసింది. చిగురుమామిడి మండల కేంద్రంలో ఓ సమావేశంలో ఆయన మాట్లాడుతుండగా... గ్రామానికి చెందిన మహిళా రైతు బెజ్జంకి భాగ్య లేచి... ‘‘రుణమాఫీ ఎప్పుడు చేస్తారు? రైతు బంధు ఎప్పుడిస్తారు?’’ అంటూ మంత్రిని ప్రశ్నించింది. వెంటనే స్పందించిన మంత్రి.... డిసెంబరు 1 నుంచి రెండు లక్షల రూపాయాల రుణమాఫీ ప్రక్రియ ప్రారంభమవుతుందని, రైతులు ఎవ్వరూ అధైర్య పడవద్దని హామీ ఇచ్చారు. రైతు భరోసాను సైతం త్వరలోనే అందజేస్తామన్నారు. దీంతో సదరు మహిళ శాంతించింది.