రోడ్డు భద్రతా ప్రమాణాలు పాటించాలి

మేళ్లచెర్వు, ఫిబ్రవరి 7:ప్రతి ఒక్కరూ రోడ్డు భద్రతా ప్రమాణాలను పాటించి ప్రమాదాలను నివారించాలని కోదాడ మోటారు వెహికల్‌ ఇనస్పెక్టర్‌ రాచకొండ బాబురావు అ న్నారు. మండలకేంద్రంలోని మైహోం సిమెంట్‌ ఆధ్వర్యంలో బుధవారం 35వ జాతీయ భద్రతా ఉత్సవాల ముగింపు కార్యక్రమంలో ప్లాంట్‌ హెడ్‌ శ్రీనివా్‌సరావుతో కలిసి ఆయన పాల్గొన్నారు. ఈ సందర్భంగా బాబురావు మాట్లాడుతూ దేశ గణాంకాల ప్రకారం ఏడాదికి కోటి 60 లక్షల మంది రోడ్డు ప్రమాదాల్లో మృతి చెందుతున్నారని తెలిపారు. మైహోం సిమెంట్‌ కంపెనీలో రోడ్డు భద్రతా ప్రమాణాలపై తీసుకున్న చర్యలను ఆయన అభినందించారు. కార్యక్రమంలో జీయం నాగేశ్వరరావు, సేప్టీ హెడ్‌ సూర్యనారాయణ, నరేందర్‌, ఏజీయం శ్రీనివాస్‌ పాల్గొన్నారు. అదేవిధంగా రోడ్డు భద్రతా వారోత్సవాల సందర్భంగా మండలంలోని చౌటపల్లి ఉన్నత పాఠశాలలో అవగాహన కార్యక్రమం నిర్వహించారు. కార్యక్రమంలో మై హోం పరిశ్రమ సేఫ్టీ డిపార్ట్‌మెంట్‌ ప్రతినిధి వేణు, హెచఎం సూర్యనారాయణమూర్తి, ఉపాధ్యాయులు పాల్గొన్నారు.