Hyderabad: సీఎం సార్‌.. స్పెయిన్‌కు రండి
ABN , Publish Date - Sep 20 , 2024 | 04:17 AM
తమ దేశానికి రావాలంటూ స్పెయిన్‌ రాయబారి జువాన్‌ ఆంటోనియో మార్చ్‌పుజోల్‌.. రాష్ట్ర సీఎం రేవంత్‌రెడ్డిని ఆహ్వానించారు.
రేవంత్‌ను ఆహ్వానించిన స్పెయిన్‌ రాయబారి జువాన్‌
హైదరాబాద్‌, సెప్టెంబరు 19 (ఆంధ్రజ్యోతి): తమ దేశానికి రావాలంటూ స్పెయిన్‌ రాయబారి జువాన్‌ ఆంటోనియో మార్చ్‌పుజోల్‌.. రాష్ట్ర సీఎం రేవంత్‌రెడ్డిని ఆహ్వానించారు. గురువారం సచివాలయంలో సీఎం ను మర్యాదపూర్వకంగా కలిశారు. రాష్ట్రంలో స్కిల్‌ యూనివర్సిటీ, స్పోర్ట్స్‌ యూనివర్సిటీలను ఏర్పాటు చేయడం పట్ల జువాన్‌.. సీఎంను అభినందించారు.
ఈ సందర్భంగా సీఎంకు ఒక పుస్తకాన్ని అందించారు. స్పెయిన్‌ రాయబారి వెంట టూరిజం శాఖ ముఖ్య కార్యదర్శి ఎ.వాణిప్రసాద్‌, హైదరాబాద్‌ ప్రాంతీయ పాస్‌పోర్టు అధికారిణి జొన్నలగడ్డ స్నేహజ ఉన్నారు.
