Telangana: వామ్మో ఇంత బంగారమా? ఎలా తీసుకెళ్తున్నారో మీరే చూడండి..!

Telangana Police Caught Gold: కేటుగాళ్లు రోజుకింత రాటుదేలుతున్నారు. పోలీసులను మస్కా కొట్టించి మరీ స్మగ్లింగ్ చేస్తున్నారు. గుట్టు చప్పుడు కాకుండా చట్ట వ్యతిరేక పనులు చేసేస్తున్నారు. కానీ, అన్ని రోజులూ వారివే కాదు కదా! తాజా ఘటనలో అదే జరిగింది. ఖాకీల తెలివి ముందు.. ఈ కేటుగాళ్లు బేజారయ్యారు. ఇంకేముంది.. తప్పుడు పని చేస్తూ అడ్డంగా బుక్కయ్యారు. యాదాద్రి భువనగిరి జిల్లా పంతంగి టోల్‌గేట్ వద్ద భారీగా బంగారం పట్టుబడింది. రూ. 2.51 కోట్ల విలువైన బంగారాన్ని డీఆర్ఐ అధికారులు సీజ్ చేశారు. చెన్నై నుంచి కారులో అక్రమంగా తరలిస్తుండగా అధికారులు పట్టుకున్నారు. బంగారం, కారు సీజ్ చేయడంతో పాటు.. కారులో ఉన్న ముగ్గురు వ్యక్తులను అరెస్ట్ చేశారు డీఆర్ఐ అధికారులు.