name change తాటిపూడి పేరు మారింది

తాటిపూడి పేరు మారింది

గొర్రిపాటి బుచ్చి అప్పారావు రిజర్వాయర్‌గా పునరుద్ధరణ

తాజాగా ఉత్తర్వులు జారీ

శృంగవరపుకోట, జనవరి 2(ఆంధ్రజ్యోతి): తాటిపూడి జలాశయానికి స్వాతంత్ర సమరయోధుడు జామి మండలానికి చెందిన గొర్రిపాటి బుచ్చి అప్పారావు (జీ.బీ అప్పారావు) రిజర్వాయర్‌గా పేరును కూటమి ప్రభుత్వం పునరుద్ధరించింది. ఈ మేరకు గురువారం జలవనరుల శాఖ ఉత్తర్వులు జారీ చేసింది. గత వైసీపీ ప్రభుత్వం ఎన్టీఆర్‌ ఆరోగ్య విశ్వవిద్యాలయంతో పాటు అనేక సంస్థల పేర్లను మార్చేసింది. రాజకీయ ప్రయోజనాన్ని ఆశించి ఆ చర్యలకు పాల్పడింది. వాటి పేర్లు పునరుద్ధరించేందుకు కూటమి ప్రభుత్వం చర్యలు చేపట్టింది. అందులో భాగంగా తాటిపూడి రిజర్వాయర్‌కు పెట్టిన బుచ్చి అప్పారావు పేరు పునరుద్ధరణకు నోచుకుంది. శృంగవరపుకోట ఎమ్మెల్యే కోళ్ల లలితకుమారి ఈ విషయాన్ని శాసన సభలోను ప్రస్తావించారు. ఈ ప్రాంత ప్రజాభిప్రాయాన్ని గౌరవించిన ప్రభుత్వం తిరిగి జలాశయానికి బుచ్చి అప్పారావు పేరు పెట్టింది.