EPFO: ఈ వినియోగదారులకు అలర్ట్.. మీ బ్యాంక్ ఖాతా లింక్ చేశారా లేదా..

యూనివర్సల్ అకౌంట్ నంబర్ (UAN) యాక్టివేషన్, బ్యాంక్ ఖాతాను ఆధార్‌తో లింక్ చేయడానికి సంబంధించి EPFO నుంచి కీలక అప్‌డేట్ వెలుగులోకి వచ్చింది. ఈ క్రమంలో ఉద్యోగులు ఫిబ్రవరి 15, 2025 వరకు ఈ ప్రక్రియను పూర్తి చేయాలి. లేదంటే EPFO ద్వారా వచ్చే అనేక ప్రయోజనాలను పొందలేరు. ఈ గడువు ఇదివరకు జనవరి 15, 2025 వరకు ఉండేది. కానీ దీన్ని ఇప్పటికే ఫిబ్రవరి 15 వరకు పొడిగించినట్లు EPFO వెల్లడించింది.

UAN యాక్టివేట్ చేయకపోతే ఎలాంటి నష్టం?

EPFO సమాచారం ప్రకారం ఫిబ్రవరి 15 నాటికి UAN యాక్టివేట్ చేయని ఉద్యోగులు ELI పథకం ద్వారా లభించే ప్రయోజనాలను పొందలేరు. ఈ పథకం 2024-2025 కేంద్ర బడ్జెట్‌లో ప్రకటించబడింది. ఈ పథకం ద్వారా EPFO సభ్యులకు కొన్ని ప్రోత్సాహకాలు (incentives), సౌకర్యాలను అందిస్తారు. ఈ క్రమంలో ఉద్యోగులు తమ UAN, బ్యాంక్ ఖాతాను ఆధార్‌తో లింక్ చేయడంలో ఆలస్యం చేస్తే EPFO ద్వారా అందించే సదుపాయాలు, ప్రయోజనాలు పొందడం కష్టమవుతుంది.

EPFO కొత్త విధానంతో ఉద్యోగుల కోసం మంజూరైన ప్రతి సౌకర్యం లభించేలా చూసుకునేందుకు UAN, ఆధార్, బ్యాంక్ ఖాతా లింకింగ్ చాలా ముఖ్యం. ఇది వారికి పలు రకాల స్కీంల ద్వారా అనేక ప్రయోజనాలను అందించడానికి కూడా సహాయపడుతుంది.

UAN యాక్టివేట్ ఎలా చేయాలంటే..

• UANను సులభంగా యాక్టివేట్ చేసుకోవడానికి ముందుగా EPFO అధికారిక వెబ్‌సైట్ https://unifiedportal-mem.epfindia.gov.in/memberinterface/కు వెళ్లాలి.

• అక్కడ ముఖ్యమైన లింకుల (Important Links) విభాగంలో ‘యాక్టివేట్ UAN’ ఆప్షన్ మీద క్లిక్ చేయాలి

• తర్వాత కొత్త పేజీ వస్తుంది. అక్కడ మీరు మీ UAN నంబర్ లేదా సభ్యత్వ IDని నమోదు చేయాలి

• ఆ తరువాత మీ 12 అంకెల ఆధార్ నంబర్‌ను నమోదు చేయాలి

• తదుపరి మీ పూర్తి పేరు, పుట్టిన తేదీ, ఆధార్‌తో లింక్ అయిన మొబైల్ నంబర్‌ను ఎంటర్ చేయాలి

• ఆ తర్వాత స్క్రీన్‌పై వచ్చిన క్యాప్చా కోడ్‌ను సరైన క్రమంలో ఎంటర్ చేసి, ‘గెట్ ఆథరైజేషన్ పిన్’ బటన్‌పై క్లిక్ చేయాలి

• ఈ పిన్ నెంబరును నమోదు చేసిన తర్వాత మీ UAN యాక్టివేట్ అవుతుంది

ఉద్యోగుల స్పందన

EPFO ఈ నిర్ణయంపై అనేక మంది ఉద్యోగులు పలు రకాలుగా స్పందిస్తున్నారు. చాలా మంది ఉద్యోగులు ఈ ప్రక్రియను సులభంగా పూర్తి చేసుకోవడానికిగానూ ఆన్‌లైన్ విధానాన్ని అవలంభిస్తున్నారు. కానీ పలు సందర్భాలలో కొందరు ఉద్యోగులు వారి ఆధార్, బ్యాంక్ ఖాతా లింక్ చేసే సమయంలో సర్వర్ డౌన్ వంటి సమస్యలను ఎదుర్కొంటున్నారు.

ఇవి కూడా చదవండి:

New Delhi: ఇళ్ల ధరల పెరుగుదలలో టాప్ 15 నగరాలు.. ఇండియా నుంచి..

Stock Market: 1138 పాయింట్లు పడిపోయిన స్టాక్ మార్కెట్.. ఇన్వెస్టర్ల ఆందోళన..

Kumbh Mela 2025: కుంభమేళా ట్రాఫిక్‌ అప్‌డేట్స్ ఇలా తెలుసుకోండి.. సులభంగా వెళ్లండి..

Viral News: సోడా సేవించి ముగ్గురు మృతి.. రంగంలోకి పోలీసులు

Next Week IPOs: ఈ వారం కీలక ఐపీఓలు.. మరో 6 కంపెనీల లిస్టింగ్

BSNL: రీఛార్జ్‌పై టీవీ ఛానెల్‌లు ఉచితం.. క్రేజీ ఆఫర్

Gold and Silver Rates Today: రెండు వేలకుపైగా పెరిగిన గోల్డ్.. వెండి ధర ఎలా ఉందంటే..

8th Pay Commission: ప్యూన్ నుంచి ఆఫీసర్ జీతాలు ఎలా పెరుగుతాయంటే.. నెలకు లక్షకుపైగా

Bank Holidays: ఫిబ్రవరి 2025లో బ్యాంకు సెలవులు ఎన్ని రోజులంటే.. పూర్తి జాబితా..

Read More Business News and Latest Telugu News