Shaving: ప్రతిరోజూ షేవింగ్ చేసుకోవడం ప్రమాదకరమా..

రోజూ ఉదయం నిద్ర లేవగానే గడ్డం తీయడం చాలా మందికి అలవాటు. అయితే, మరికొందరు వారానికి ఒకసారి, రెండు వారాలకు ఒకసారి గడ్డం తీసుకుంటారు. ఇంకొందరు నెలల తరబడి గడ్డం తీయరు. గడ్డం తీయడం లేదా కత్తిరించడం అనేది మగవారికి సాధారణ విషయం. కానీ, ప్రతిరోజూ షేవింగ్ చేసుకోవచ్చ? ఎంత తరచుగా షేవ్ చేయాలి? అనే విషయాలను ఇప్పుడు తెలుసుకుందాం..

సరైన ట్రిమ్మర్ ..

గడ్డం ఉంచడం వల్ల చర్మానికి ఎలాంటి హాని జరగదు. కానీ, గడ్డం పెద్దగా ఉంటే ప్రతిరోజూ బాగా కడగాలి. పని రద్దీలో ముఖంపై దుమ్ము, క్రిములు, ఆయిల్, డెడ్ స్కిన్ సెల్స్ పేరుకుపోతాయి.. వీటిని ఫేస్ వాష్ లేదా క్లెన్సర్‌తో కడుక్కోవాలి. గడ్డం రోజూ శుభ్రం చేయకపోవడం వల్ల ఇన్ఫెక్షన్ వచ్చే ప్రమాదం ఉంది. ఇది చర్మ రంధ్రాలను మూసుకుపోయి చికాకు కలిగిస్తుంది. ప్రతిరోజూ షేవింగ్ చేయడం వల్ల ఎటువంటి హాని ఉండదు. అయితే ప్రజలు జాగ్రత్తగా షేవ్ చేసుకోవాలి. సరైన ట్రిమ్మర్ లేదా రేజర్ వాడితే ప్రతిరోజూ షేవింగ్ చేసుకోవచ్చు.

వారానికి ఒకసారి..

షేవ్ చేసుకోని వారు ప్రతిరోజూ ముఖం, గడ్డం బాగా కడుక్కోవడం, మాయిశ్చరైజ్ చేసుకోవడం చాలా అవసరం. వైద్యుల ప్రకారం, వారానికి ఒకసారి గడ్డం షేవ్ చేయడం మరింత ప్రయోజనకరంగా ఉంటుంది. ఎందుకంటే చర్మం దెబ్బతినే ప్రమాదం తక్కువ. రోజూ గడ్డం తీయాలా లేక గడ్డం పెట్టుకోవాలా అనేది ప్రజల ఎంపికపై ఆధారపడి ఉంటుంది. కానీ, చర్మం సున్నితంగా ఉండి, షేవింగ్ చేసిన తర్వాత మంటగా అనిపించే వ్యక్తులు చర్మవ్యాధి నిపుణుడిని సంప్రదించాలి.

సరైన షేవింగ్ క్రీమ్..

సరైన షేవింగ్ క్రీమ్ లేదా జెల్ ఎంపిక చేసుకోకపోవడం చర్మంపై ప్రతికూల ప్రభావం చూపుతుంది. అలాగే షేవింగ్ పద్ధతి సరిగ్గా లేకుంటే సున్నితమైన చర్మంపై కోతలు ఏర్పడే ప్రమాదం ఉంది. ఇలాంటి సందర్భాల్లో జాగ్రత్తగా ఉండాలని చర్మవ్యాధి నిపుణులు హెచ్చరిస్తున్నారు.

(NOTE: ఇంటర్నెట్‌లో సేకరించిన సమాచారం ఆధారంగా ఈ వివరాలు మీకు అందించటం జరిగింది. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు ABN ఆంధ్రజ్యోతి బాధ్యత వహించదు.)