PM Modi AC Scheme: మోదీ ఫ్రీ ఏసీ యోజన స్కీం..ప్రభుత్వం నిజంగా ఉచిత ఏసీ ఇస్తుందా

సమ్మర్ వచ్చిన నేపథ్యంలో ఏసీలకు మంచి డిమాండ్ ఉంటుంది. ఇదే సమయంలో మోదీ ఉచిత ఏసీ యోజన 2025 స్కీం అంటూ ఓ వార్త సోషల్ మీడియాలో తెగ వైరల్ అవుతోంది. దీని ప్రకారం మోదీ ప్రభుత్వం ఉచితంగా 5 స్టార్ ఏసీలను ఇస్తోందని ఆ వార్తలో పేర్కొన్నారు. అంతేకాదు ఈ పథకానికి సంబంధించి, ప్రభుత్వం 1.5 కోట్ల ఏసీలను సిద్ధం చేసిందన్నారు. మే 2025 నుంచి ACల పంపిణీ ప్రారంభమవుతుందని చెప్పారు. ఈ క్రమంలో దీని ప్రయోజనాలను పొందడానికి త్వరగా దరఖాస్తు చేసుకోవాలని, ఎంపిక చేసిన దరఖాస్తుదారులకు 30 రోజుల్లోపు ఇంట్లో ఏసీ ఏర్పాటు చేస్తారని వైరల్ అవుతున్న వార్తలో ఉంది.

PIB వాస్తవ తనిఖీ

అసలు నిజంగా ఈ స్కీం ఉందా, పీఎం మోదీ ప్రభుత్వం అధికారికంగా ఏసీలను పంపిణీలు చేస్తుందా, లేదా ఇందంతా ట్రోల్స్‌ కారణంగా ఈ వార్త వైరల్ అవుతుందా అనే విషయాలను ఇక్కడ చూద్దాం. దీనిపై PIB అధికారికంగా ఫ్యాక్ట్ చెక్ చేసి ఈ వార్త ఫేక్ అని తేల్చింది. ప్రభుత్వం ఇలాంటి పథకాన్ని నిర్వహించడం లేదని స్పష్టం చేసింది. ఇలాంటి వార్తలను నమ్మకూడదని సూచించింది. దీని గురించి మీకు ఏవైనా లింకులు లేదా ఫొటోలు వచ్చినా కూడా అస్సలు నమ్మకూడదని సోషల్ మీడియా ఎక్స్ వేదికగా ఓ పోస్ట్ చేసి తెలిపింది.

ప్రజలకు అలర్ట్

దీంతో గత కొన్ని రోజులుగా సోషల్ మీడియాలో వస్తున్న పుకార్లకు చెక్ పడింది. ప్రభుత్వం ఇటువంటి ఏదైనా పథకం అమలు చేయడం లేదని, ఈ వార్తను నమ్మవద్దని హెచ్చరించారు. మీకు వాట్సాప్, ఫేస్‌బుక్, లేదా ఇతర సోషల్ మీడియా వేదికలపై ఈ తరహా లింకులు, ఫొటోలు వచ్చినా నమ్మకండి అని సూచించారు. ఫేక్ న్యూస్‌కు దూరంగా ఉండి, అధికారిక వెబ్ సైట్ ద్వారా వచ్చే వార్తలను మాత్రమే నమ్మాలని పీఐబీ తెలిపింది.

ఇవి కూడా చదవండి:

TRAI: సిగ్నల్, నెట్ లేకపోతే సైలెంట్ కాదు..ఫిర్యాదు చేయడం మరింత ఈజీ తెలుసా..

Zeeshan Siddique: బాబా సిద్ధిఖీ తర్వాత జీషన్‌ టార్గెట్..నీ తండ్రిలాగే నిన్ను చంపేస్తామని బెదిరింపు

Google CCI: గూగుల్ కీలక నిర్ణయం..ఆ కేసు పరిష్కారం కోసం రూ.20.24 కోట్లు చెల్లింపు

Read More Business News and Latest Telugu News