Jagga Reddy: ఉగాది నాడు జగ్గారెడ్డి సినిమా ఆఫీసు ప్రారంభం

• జయలక్ష్మి ఫిల్మ్స్‌ పేరుతో కొత్తగా కార్యాలయం

• వచ్చే ఏడాది ఉగాదికి విడుదల కానున్న సినిమా

• ‘విశ్రాంత్రి’కి ముందు సినిమాలో జగ్గారెడ్డి ఎంట్రీ

• సినిమా పూర్తయ్యేవరకూ కొనసాగనున్న పాత్ర

హైదరాబాద్‌, మార్చి 26(ఆంధ్రజ్యోతి): ‘జగ్గారెడ్డి-ఎ వార్‌ ఆఫ్‌ లవ్‌’ సినిమా కార్యాలయాన్ని ఉగాది రోజున ప్రారంభించేందుకు టీపీసీసీ కార్యనిర్వాహక అధ్యక్షుడు తూర్పు జగ్గారెడ్డి సన్నాహాలు చేస్తున్నారు. జయలక్ష్మి ఫిల్మ్స్‌ పేరుతో ఏర్పాటు చేసిన కార్యాలయాన్ని ఆదివారం ఉదయం 11 గంటలకు ప్రారంభించనున్నారు. ‘జగ్గారెడ్డి-ఎ వార్‌ ఆఫ్‌ లవ్‌’ సినిమాను నిర్మిస్తూ, అందులో నటిస్తున్న జగ్గారెడ్డి.. ఆ సినిమా నిర్మాణ పనులను ఈ కార్యాలయం నుంచే పర్యవేక్షించనున్నారు. ఈ సినిమా పోస్టర్‌కు భారీ స్పందన రావడంతో విపరీతమైన అంచనాలు ఏర్పడ్డాయని, రాజకీయ, సినీ వర్గాల్లో ఉత్కంఠ రేపుతోందని జగ్గారెడ్డి సన్నిహిత వర్గాలు వెల్లడించాయి. కాగా, పాన్‌ ఇండియా రేంజ్‌లో నిర్మితమవుతున్న ఈ సినిమా తెలుగు, హిందీ భాషల్లో రూపొందనుంది.

వచ్చే ఉగాది కల్లా షూటింగ్‌, పోస్టు ప్రొడక్షన్‌ పనులను పూర్తి చేసి.. సినిమాను విడుదల చేసేందుకు సన్నాహాలు జరుగుతున్నాయి. ‘జగ్గారెడ్డి- ఎ వార్‌ ఆఫ్‌ లవ్‌’ సినిమాలో తన పాత్రకు, ప్రేమకు సంబంధమే ఉండదని జగ్గారెడ్డి వెల్లడించారు. తన పాత్ర విశాంత్రికి ముందు మొదలై.. సినిమా చివరి దాకా ఉంటుందన్నారు. ఈ సినిమాకు, రాజకీయాలకు సంబంధం లేదన్నారు. తాను విద్యార్థి నేత నుంచి కౌన్సిలర్‌గా, మున్సిపల్‌ చైర్మన్‌గా ఎలా ఎదిగానన్నదీ.. ఈ సినిమాలో చూపించనున్నట్లు తెలిపారు. లవ్‌, ఫ్యాక్షన్‌, ఎమోషనల్‌, పొలిటికల్‌ డ్రామాగా ఈ సినిమా ఉంటుందన్నారు.

ఈ వార్తలు కూడా చదవండి

Hyderabad Metro : అదిరిపోయే శుభవార్త చెప్పిన HYD మెట్రో.. రైళ్ల ప్రయాణ వేళలు పొడిగింపు..

GPO Posts: నిరుద్యోగులకు తెలంగాణ సర్కార్ గుడ్ న్యూస్

Sunny Yadav Betting App Case: బెట్టింగ్ యాప్స్ కేసు.. ఒక్కొక్కరికీ చుక్కలు చూపిస్తున్న పోలీసులు

Read Latest Telangana News And Telugu News