46 వేల ఏళ్ల కిందటి ఐస్‌ బర్డ్‌
ABN , First Publish Date - 2020-02-23T07:16:51+05:30 IST
కొన్ని నెలల క్రితమే చనిపోయినట్టు పడి ఉన్న ఈ పక్షి శిలాజాన్ని చూశారా!
కొన్ని నెలల క్రితమే చనిపోయినట్టు పడి ఉన్న ఈ పక్షి శిలాజాన్ని చూశారా! వాస్తవానికి ఇది 46 వేల ఏళ్ల క్రితం తనువు చాలించిందని రేడియో కార్బన్‌ డేటింగ్‌లో తేలింది. నిత్యం మంచుమయంగా ఉండే.. రష్యాలోని ఈశాన్య సైబీరియా ప్రాంతం బెలయగోరా గ్రామంలో ఉన్న గని సొరంగంలో శిలాజ అన్వేషకులు తవ్వకాలు జరుపుతుండగా ఇది బయల్పడింది. చనిపోయిన తర్వాత.. అక్కడి అతిశీతల వాతావరణం కారణంగా పక్షి పూర్తిగా ఘనీభవించి, ఇప్పటికీ కుళ్లిపోకుండా ఉండగలిగిందని గుర్తించారు. అందుకే దీనికి ‘ఐస్‌ బర్డ్‌’ అని శాస్త్రవేత్తలు పేరుపెట్టారు.
