Advertisement
Advertisement
Abn logo
Advertisement
Sep 3 2021 @ 14:47PM

న్యూజిలాండ్‌లో ఐసిస్ ఉగ్రవాది బీభత్సం

న్యూఢిల్లీ : ఇస్లామిక్ స్టేట్ (ఐసిస్) ప్రేరేపిత ఉగ్రవాది ఒకడు న్యూజిలాండ్ సూపర్ మార్కెట్లో బీభత్సం సృష్టించాడు. శుక్రవారం ఉదయం ఓ సూపర్ మార్కెట్లోకి ప్రవేశించి, విచక్షణారహితంగా దాడి చేశాడు. ఈ దాడిలో ఆరుగురు సామాన్యులు తీవ్రంగా గాయపడ్డారు. అప్పటికే ఈ ఉగ్రవాదిని పట్టుకోవడానికి నిఘా పెట్టిన పోలీసులు ఆ ఉగ్రవాదిని కాల్చి చంపేశారు. ఈ వివరాలను న్యూజిలాండ్ ప్రధాన మంత్రి జసింద ఆర్డెర్న్ వెల్లడించారు. 


ఆర్డెన్ తెలిపిన వివరాల ప్రకారం, శ్రీలంక జాతీయుడైన ఓ వ్యక్తి 2011లో న్యూజిలాండ్‌కు వెళ్ళాడు. ఆ వ్యక్తి టెర్రర్ వాచ్‌లిస్ట్‌లో ఉన్నాడు. సబర్బన్ ఆక్లాండ్‌లోని ఓ సూపర్ మార్కెట్లోకి ప్రవేశించి, అక్కడ ఉన్న ఓ కత్తిని తీసుకుని, సమీపంలో ఉన్నవారిని పొడుచుకుంటూ వెళ్ళాడు. ఈ దాడిలో ఆరుగురు గాయపడ్డారు. గాయపడినవారిలో ముగ్గురి పరిస్థితి విషమంగా ఉంది. అప్పటికే ఆ ఉగ్రవాదిపై నిఘా పెట్టిన పోలీసులు 60 సెకండ్లలోనే స్పందించి, అతనిపై కాల్పులు జరిపి, మట్టుబెట్టారు. 


‘‘ఈ రోజు జరిగినది చాలా హేయమైన సంఘటన. ఇది విద్వేషపూరితం, చాలా తప్పు’’ అని ప్రధాన మంత్రి జసింద చెప్పారు. ఇది ఏ మతానికి, విశ్వాసానికి ప్రాతినిధ్యం వహించబోదన్నారు. ఇది చాలా హింసాత్మక భావజాలమని చెప్పారు. ఐసిస్ ఉగ్రవాద సంస్థ ప్రేరణతో ఈ సంఘటన జరిగిందన్నారు. ఈ వ్యక్తిపై 2016 నుంచి నిఘా పెట్టామన్నారు. 


పోలీస్ కమిషనర్ ఆండ్రూ కోస్టర్ మాట్లాడుతూ, ఈ ఉగ్రవాది ఒంటరిగానే వ్యవహరిస్తున్నాడని, ఇకపై కమ్యూనిటీకి ఎటువంటి హాని జరగబోదని చెప్పారు. 


Advertisement
Advertisement