ఏపీఎంఈఆర్సీ బోర్డును నియమిస్తూ సర్కార్ ఉత్తర్వులు

అమరావతి: ఏపీ మెడికల్ ఎడ్యుకేషన్  రీసెర్చ్ కార్పోరేషన్ బోర్డును నియమిస్తూ ప్రభుత్వం మంగళవారం ఉత్తర్వులు జారీ చేసింది.  వైద్యారోగ్యశాఖ ముఖ్యకార్యదర్శి చైర్మన్గా 8 మంది ఉన్నతాధికారులతో కూడిన కమిటీని ఏర్పాటు చేస్తూ సర్కార్ ఆదేశాలు జారీ చేసింది.  బోర్డు సభ్యులుగా... వైద్యారోగ్య, కుటుంబ సంక్షేమ,  వైద్య విధాన పరిషత్ కమిషనర్లు, ఆరోగ్యశ్రీ ట్రస్టు సీఈఓ, ఎంఎస్ఐడీసీ ఎండీ, వైద్యవిద్యా డైరెక్టర్ తదితర అధికారులు ఉండనున్నారు. రాష్ట్రంలో వైద్యారోగ్య సేవల్ని మరింత విస్తృత పరచటంతో పాటు ప్రస్తుత ఆస్పత్రులు, నర్సింగ్ కళాశాలల అభివృద్ధి, కొత్త వైద్య కళాశాలల నిర్మాణంపై  ఏపీ మెడికల్ ఎడ్యుకేషన్ రీసెర్చ్ కార్పోరేషన్ దృష్టి పెట్టనుంది. నూతన బోధనాసుపత్రుల నిర్మాణం కోసం ఆర్ధిక వనరుల సమీకరణ బాధ్యతనూ ఏపీఎంఈఆర్సీకి ప్రభుత్వం అప్పగించింది.