కలెక్టరేట్‌ ప్రారంభోత్సవానికి ఏర్పాట్లు
ABN , First Publish Date - 2021-06-15T06:46:25+05:30 IST
జిల్లాకేంద్రంలోని నూతన కలెక్టరేట్‌ ప్రారంభోత్స వానికి ఈనెల 20న సీఎం కేసీఆర్‌ వస్తున్నందున అన్ని ఏర్పాట్లు పూర్తి చేయాలని ప్రభుత్వ విప్‌ గంప గోవర్ధన్‌ అధికారులకు సూచించారు. సోమ వారం నూతన కలెక్టరేట్‌లో కలెక్టర్‌ శరత్‌తో కలిసి వివిధ శాఖల అధికా రులతో
కామారెడ్డి, జూన్‌ 14: జిల్లాకేంద్రంలోని నూతన కలెక్టరేట్‌ ప్రారంభోత్స వానికి ఈనెల 20న సీఎం కేసీఆర్‌ వస్తున్నందున అన్ని ఏర్పాట్లు పూర్తి చేయాలని ప్రభుత్వ విప్‌ గంప గోవర్ధన్‌ అధికారులకు సూచించారు. సోమ వారం నూతన కలెక్టరేట్‌లో కలెక్టర్‌ శరత్‌తో కలిసి వివిధ శాఖల అధికా రులతో సమీక్ష నిర్వహించారు. కలెక్టరేట్‌ ఆవరణలోని ఖాళీ స్థలాల్లో మొక్క లు నాటాలని పేర్కొన్నారు. అసంపూర్తిగా ఉన్న పనులు త్వరితగతిన పూర్తి చేయాలని రోడ్లు, భవనాల శాఖ ఇంజనీర్లను ఆదేశించారు. అదేవిధంగా పట్టణంలోని ప్రదాన రోడ్ల మూడు వరుసలలో మొక్కలు నాటాలని సూచిం చారు. రోడ్లను శుభ్రంగా ఉంచాలని మున్సిపల్‌ అఽధికారులను ఆదేశించారు. ఈ కార్యక్రమంలో అదనపు కలెక్టర్‌ వెంకటేష్‌దోత్రే, అదనపు ఇన్‌చార్జి కలెక్టర్‌ వెంకటమాదవరావు, డీఎఫ్‌వో నిఖిత, జిల్లా అధికారులు పాల్గొన్నారు.
