పొగరాయుళ్లు, శాకాహారులకు కరోనా ముప్పు తక్కువ!
ABN , First Publish Date - 2021-01-18T07:51:35+05:30 IST
‘‘ధూమపానం ఆరోగ్యానికి హానికరం’’.. అయితే పొగరాయుళ్లకు కరోనా సోకే ముప్పు తక్కువని సీఎస్ఐఆర్ నిర్వహించిన సీరో సర్వేలో వెల్లడైంది. ఇందులో భాగంగా
ఏ, ఓ బ్లడ్ గ్రూప్ల వారికి కూడా..
10,427 మందితో సీరో సర్వే
సీఎస్ఐఆర్ అధ్యయన నివేదిక
‘‘ధూమపానం ఆరోగ్యానికి హానికరం’’.. అయితే పొగరాయుళ్లకు కరోనా సోకే ముప్పు తక్కువని సీఎస్ఐఆర్ నిర్వహించిన సీరో సర్వేలో వెల్లడైంది. ఇందులో భాగంగా ధూమపానం అలవాటు, మద్యపానం అలవాటు, రక్త వర్గం, వృత్తి, ఆహారపు అలవాట్లు, ఆరోగ్య వివరాలు వంటి సమాచారాన్ని సర్వేలో పాల్గొన్న వారి నుంచి సేకరించారు. 10,427 మంది నుంచి శాంపిల్స్ను సేకరించి పరీక్షించగా, 1058 మందిలో కరోనా యాంటీబాడీల (సెరో పాజిటివిటీ)ను గుర్తించారు. పొగరాయుళ్లు, శాకాహారుల్లో సెరో పాజిటివిటీ రేటు స్వల్పంగా ఉన్నట్లు నిర్ధారణ అయింది. ఏ, ఓ బ్లడ్ గ్రూప్ల వారితో పోలిస్తే.. బీ, ఏబీ గ్రూప్ల వారికి ఇన్ఫెక్షన్ ముప్పు ఎక్కువని తెలిపారు.