Abn logo
Oct 14 2021 @ 10:53AM

‘అమ్మా.. గ్యాస్ స్టవ్‌ రిపేర్ చేస్తాం’ అంటూ వచ్చి.. చట్ట వ్యతిరేక కార్యకలాపాలు.. వీరేం చేస్తారో తెలిస్తే దడ పుట్టడం ఖాయం!

ప్రభుత్వం ఎన్ని ఆంక్షలు పెట్టినప్పటికీ ఎక్కడో ఒకచోట లింగనిర్ధారణ పరీక్షలు జరుగుతూనే ఉన్నాయి. ఇటువంటి నెట్‌వర్క్ నడిపేవారు రకరకాల పద్ధతుల్లో లింగనిర్థారణ పరీక్షలు నిర్వహిస్తూ వస్తున్నారు. తాజాగా హర్యానాలో ఇటువంటి ఉదంతం వెలుగుచూసింది. చట్ట వ్యతిరేకంగా లింగనిర్థారణ పరీక్షలు నిర్వహిస్తున్న లలిత్ త్యాగి అనే నిందితుడిని పోలీసులు అదుపులోకి తీసుకున్నారు. లలిత్ త్యాగి గ్యాస్ స్టవ్‌లను రిపేర్ చేస్తుంటాడు. ఆరోగ్య విభాగానికి చెందిన అధికారులు అతని దగ్గరకు ఒక వ్యక్తిని పంపించారు. అతను లలిత్ త్యాగితో తాను లింగనిర్థారణ పరీక్షలు చేయించేందుకు వచ్చానని చెప్పడంతో అతను కొంత మొత్తంలో డబ్బులు తీసుకున్నాడు. 

దీంతో ఆరోగ్యవిభాగం అతనిపై పీఎన్డీటీ యాక్ట్ మేరకు కేసు నమోదు చేసింది. వైద్య అధికారుల బృందం లలిత్ త్యాగి ఇంటిపై దాడులు చేసింది. నిందితుడు తాను గతంలో యూపీలోని మురాదానగర్ కూడా ఇటువంటి పరీక్షలు చేయించినట్లు తెలిపాడు. ఈ సందర్భంగా ప్రభుత్వ వైద్యులు డాక్టర్ జయకిషోర్ మాట్లాడుతూ తమకు అందిన సమాచారం మేరకు మాటువేసి నిందితుడిని పట్టుకున్నామన్నారు. కేసు నమోదు చేసుకున్న పోలీసులు దర్యాప్తు చేస్తున్నారు. కాగా నిందితుడు ఇంటింటికీ తిరిగి కూడా గ్యాస్ స్టవ్‌లు రిపేర్ చేస్తుంటాడు.


ఇవి కూడా చదవండిImage Caption

ప్రత్యేకంమరిన్ని...