కరోనా టీకాలపై ప్రత్యేక వెబ్‌ పోర్టల్.. ప్రారంభించిన కేంద్రం

న్యూఢిల్లీ: కరోనా టీకా రూపకల్పన కోసం భారత్‌లో జరుగుతున్న ప్రయత్నాల వివరాలు తెలిపే ప్రత్యేక వెబ్‌సైట్‌ను కేంద్రం ప్రారంభించింది. కేంద్ర ఆరోగ్య శాఖ మంత్రి హర్షవర్థన్ సోమవారం నాడు నూతన వెబ్‌సైట్‌ను ఆవిష్కరించారు. భారత్ వైద్య పరిశోధన మండలి వెబ్‌సైట్‌కు అనుబంధంగా ఈ పోర్టల్‌ను కేంద్రం లాంచ్ చేసింది. ప్రజల్లో టీకాలపై అవగాహన పెంచడమే ఈ పోర్టల్ ప్రరాభం వెనుక ఉన్న ప్రధాన లక్ష్యం.

అంతేకాకుండా..కరోనా టీకా తయారీకి సంబంధించి ప్రస్తుతం దేశంలో జరుగుతున్న ప్రయత్నాలు, క్లీనికల్ ట్రయల్స్‌కు సంబంధించిన వివరాలు కూడా ఇందులో అందుబాటులో ఉంటాయి. ఇతర టీకాలకు సంబంధించి పూర్తి వివరాలను కూడా కేంద్రం ఈ పోర్టల్‌లో ప్రజల కోసం అందుబాటులో ఉంచింది. టీకాకు సంబంధించి ఏ వివరాలు తెలుసుకోవాలనుకున్న ప్రజలు ఈ పోర్టల్‌ను సందర్శించాలని మంత్రి హర్షవర్థన్ తెలిపారు.

వెబ్ పోర్టల్ కోసం ఈ లింక్‌పై క్లిక్ చేయండి..https://vaccine.icmr.org.in