ఇమ్యూనిటీ కోసం..!
ABN , First Publish Date - 2020-09-30T05:58:45+05:30 IST
వర్షాకాలంలో తరచుగా వేధించే జలుబు, దగ్గుతో పాటు ఇతర ఇన్ఫెక్షన్ల బారిన పడకుండా ఉండేందుకు ఔషధ గుణాలున్న డ్రింక్ తీసుకోవాలి. ఇంట్లో లభించే పదార్థాలతోనే అలాంటి డ్రింక్ తయారుచేసుకోవచ్చు...
వర్షాకాలంలో తరచుగా వేధించే జలుబు, దగ్గుతో పాటు ఇతర ఇన్ఫెక్షన్ల బారిన పడకుండా ఉండేందుకు ఔషధ గుణాలున్న డ్రింక్ తీసుకోవాలి. ఇంట్లో లభించే పదార్థాలతోనే అలాంటి డ్రింక్ తయారుచేసుకోవచ్చు.
కావలసినవి
కొద్దిగా అల్లం, నల్ల యాలకులు-1, పచ్చి యాలకులు-2, నల్ల మిరియాలు- 8, దాల్చిన చెక్క- ఒకటి, లవంగాలు అయిదు, తులసి ఆకులు- ఎనిమిది, బిర్యానీ ఆకు ఒకటి, తేనె టేబుల్ స్పూన్, నల్ల ఉప్పు, నిమ్మరసం రుచికి సరిపడా.
తయారీ విధానం
- చిన్న రోలు తీసుకొని అందులో అల్లం, యాలకులు, మిరియాలు, లవంగాలు వేసి మెత్తని పొడి తయారుచేసుకోవాలి. తరువాత తులసి ఆకులు వేసి రుబ్బాలి.
- ఇప్పుడు ఒక పాన్లో రెండు కప్పుల నీళ్లు పోసి, స్టవ్ మీద పెట్టాలి. సుగంధ ద్రవ్యాల పొడి, బిర్యానీ ఆకు వేసి కాసేపు మరిగించాలి. తరువాత మంట తగ్గించి పది నిమిషాలు అలానే ఉంచాలి. ఇప్పుడు డ్రింక్ను కప్పుల్లో వడబోసి, ఉప్పు, నిమ్మరసం, తేనె రుచికి తగినంత కలుపుకొంటే ఇమ్యూనిటీ డ్రింక్ రెడీ.