మంత్రి పెద్దిరెడ్డి పేరిట వాహనం కలకలం
ABN , First Publish Date - 2021-07-14T20:10:01+05:30 IST
మంత్రి పెద్దిరెడ్డి రామచంద్రారెడ్డి పేరుతో ఉన్న వాహనం చక్కర్లు కొట్టడం కలకలం రేపుతోంది.
కర్నూలు జిల్లా: శిరువెళ్ల మండలం, గోవిందపల్లె గ్రామ శివారులో మంత్రి పెద్దిరెడ్డి రామచంద్రారెడ్డి పేరుతో ఉన్న వాహనం చక్కర్లు కొట్టడం కలకలం రేపుతోంది. అనుమానస్పదంగా తిరుగుతున్న వాహనాన్ని స్థానికులు గమనించి పోలీసులకు సమాచారం అందించారు. వారు వెంటనే అప్రమత్తమై ఆ వాహనాన్ని వెంబడించారు. పోలీసుల రాకను గమనించిన దుండగులు వాహనాన్ని నల్లమల అటవీ ప్రాంతంలో వదిలి వెళ్లారు. వాహనాన్ని స్వాధీనం చేసుకున్న పోలీసులు పూర్తి స్థాయిలో దర్యాప్తు చేపట్టారు.
