చైనాను దాటేసిన పాక్‌

ఇస్లామాబాద్‌, జూన్‌ 4: పాకిస్థాన్‌లో కరోనా వైరస్‌ ఉధృతంగా విజృంభిస్తోంది. గురువారం ఒక్కరోజే 4,688 మందికి కొత్తగా వైరస్‌ సోకడంతో మొత్తం కేసుల సంఖ్య 85,246కి చేరుకుంది. ఈ క్రమంలో వైరస్‌ పుట్టినిల్లు చైనా (84,160)ను దాటేసింది. 

వైరస్‌ నిర్మూలన దిశగా న్యూజిలాండ్‌

 న్యూజిలాండ్‌లో వరుసగా 13 రోజులుగా ఒక్క కేసు కూడా నమోదు కాలేదు. 50 లక్షల జనాభా కలిగిన ఈ దేశంలో ప్రస్తుతం ఒకే ఒక యాక్టివ్‌ కేసు ఉంది. 1500 మంది వైరస్‌ బారినపడగా 22 మంది చనిపోయారు.

టెనెసీలో కరోనా కలకలం

అమెరికాలోని టెనెసీ రాష్ట్రంలోని చిన్న కౌంటీలో కరోనా కలకలం రేపుతోంది. 7,500 జనాభా ఉన్న ఈ కౌంటీలో వారం రోజుల వ్యవధిలో 352 కేసులు నమోదయ్యాయి.