కేంద్ర ప్రభుత్వ విధానాలపై నిరసన
ABN , First Publish Date - 2021-10-24T05:16:49+05:30 IST
కేంద్ర ప్రభుత్వం అవలంబిస్తున్న ప్రజా వ్యతిరేక విధానాల వలన అన్ని వర్గాల వారు ఇబ్బందులు పడుతున్నారని ఉక్కు అఖిలపక్ష కాంట్రాక్టు కార్మిక సంఘాల నాయకులు అన్నారు.
ఉక్కుటౌన్‌షిప్‌, అక్టోబరు 23: కేంద్ర ప్రభుత్వం అవలంబిస్తున్న ప్రజా వ్యతిరేక విధానాల వలన అన్ని వర్గాల వారు ఇబ్బందులు పడుతున్నారని ఉక్కు అఖిలపక్ష కాంట్రాక్టు కార్మిక సంఘాల నాయకులు అన్నారు. బీజేపీ విధానాలను వ్యతిరేకిస్తూ శనివారం బీసీ గేటు వద్ద ధర్నా నిర్వహించారు. ఈ సందర్భంగా పలువురు మాట్లాడుతూ బీజేపీ ప్రభుత్వం అఽధికారంలోకి వచ్చిన నాటి నుంచి చాలా ఇబ్బందులు వస్తున్నాయన్నారు. ప్రభుత్వ రంగాన్ని విక్రయించడమే ప్రధాన లక్ష్యంగా కేంద్ర ప్రభుత్వం ముందుకు సాగుతున్నదని ఆరోపించారు. ఈ కార్యక్రమంలో నందికి తాతారావు, యెల్లేటి శ్రీనివాసరావు, పల్లేటి పోలయ్య, నమ్మి రమణ, మసేను, రమణ పాల్గొన్నారు.
