మూడు తిమింగలాలకు పేర్లు పెట్టే ఛాన్స్ వేలం వేస్తున్న అమెరికా
ABN , First Publish Date - 2021-06-21T12:43:24+05:30 IST
అమెరికాకు చెందిన ఒక అక్వేరియం వింత నిర్ణయం తీసుకుంది. బెలుగా జాతికి చెందిన మూడు తిమింగలాలను అక్వేరియానికి తీసుకురావాలని నిర్ణయించిన దాని నిర్వాహకులు..
వాషింగ్టన్: అమెరికాకు చెందిన ఒక అక్వేరియం వింత నిర్ణయం తీసుకుంది. బెలుగా జాతికి చెందిన మూడు తిమింగలాలను అక్వేరియానికి తీసుకురావాలని నిర్ణయించిన దాని నిర్వాహకులు.. ఈ మూడు తిమింగలాలకు పేర్లు పెట్టే ఛాన్స్‌ను వేలం వేయాలని డిసైడ్ అయ్యారు. ఈ మూడు తిమింగలాలూ ప్రస్తుతం కెనడాలో ఉన్నాయి. వీటిని అమెరికాకు తీసుకురావడానికి అయ్యే ట్రాన్స్‌పోర్టేషన్ ఖర్చును సేకరించడం కోసమే అక్వేరియం నిర్వాహకులు ఈ నిర్ణయం తీసుకున్నట్లు తెలుస్తోంది. సీ రీసెర్చ్ ఫౌండేషన్‌లో భాగమైన మిస్టిక్ అక్వేరియం ఈ నిర్ణయం తీసుకుంది. ఈ వేలం ద్వారా కనీసం 4 మిలియన్ డాలర్లు సేకరించాలని అక్వేరియం నిర్వాహకులు ఆశపడుతున్నారు. అలాగే ఈ వేలంలో ఒక బోటు, వింటేజ్ కారు కూడా ఉంటాయట.
