రైలు చివరి కంపార్ట్‌మెంట్ వెనుక క్రాస్ గుర్తు ఎందుకు ఉంటుందో తెలుసా? దీని అర్థమేమిటంటే..

మీరు రైలులో ప్రయాణించేటప్పుడు రైలు బోగీలను గమనించేవుంటారు. అయితే రైలు చివరి కంపార్ట్‌మెంట్ వెనుక పెద్ద క్రాస్ గుర్తు ఉండటాన్ని మీరు గమనించేవుంటారు. ఈ గుర్తు కొన్ని రైళ్లకు పసుపు రంగులో, మరికొన్ని రైళ్లకు తెలుపు రంగులో ఉంటుంది. దీనిని మీరు ఎప్పుడూ గమనించి ఉండకపోతే ఈసారి రైలులో ప్రయాణించినప్పుడు దీనిని గమనించండి. ఇప్పుడు ఈ క్రాస్ గుర్తు కథ ఏమిటో వివరంగా తెలుసుకుందాం. ప్రమాదాలు జరగకుండా ఉండేందుకు రైలుకు ఈ గుర్తును వేస్తారు. 

ఇది రైలు చివరి కంపార్ట్‌మెంట్ వెనుక ఉంటుంది. ఈ గుర్తు ఉంటే అది రైలు చివరి భాగమని సూచన. రైలు స్టేషన్ దాటిందని రైల్వే సిబ్బందికి ఇది సూచనలా ఉపయోగపడుతుంది. రైలు విజయవంతంగా ముందుకు సాగిందని రైల్వే క్రాసింగ్ వద్ద ఉన్న గార్డు ఈ గుర్తు ద్వారా తెలుసుకుంటాడు. ఈ గుర్తుతోపాటు చివరి బోగీ వెనుక రెడ్ లైట్ కూడా ఉంటుంది. రాత్రిపూట ఈ గుర్తు కనిపించేందుకు ఈ రెడ్ లైట్ సహాయపడుతుంది.