AP News: అర్ధరాత్రి సూపర్ మార్కెట్‌కు నిప్పు.. రూ.30లక్షల నష్టం
ABN , First Publish Date - 2022-10-29T10:02:25+05:30 IST
జిల్లాలోని పామిడి మండల కేంద్రంలోని శ్రీ గంగాభవాని సూపర్ మార్కెట్లో భారీ అగ్ని ప్రమాదం జరిగింది.
అనంతపురం: జిల్లాలోని పామిడి మండల కేంద్రంలోని శ్రీ గంగాభవాని సూపర్ మార్కెట్లో భారీ అగ్ని ప్రమాదం జరిగింది. అర్థరాత్రి సూపర్ మార్కెట్‌కు కొందరు గుర్తుతెలియని వ్యక్తులు నిప్పంటించారు. ఈ ఘటనలో దాదాపు రూ. రెండున్నర లక్షల నగదుతో పాటు సూపర్ మార్కెట్లోని వస్తువులు, కిరాణా సరుకులు అగ్నికి ఆహుతయ్యాయి. సుమారు రూ.30 లక్షల వరకు నష్టం వాటిలినట్లు సూపర్ మార్కెట్ యజమాని చంద్రశేఖర్ రెడ్డి ఆవేదన వ్యక్తం చేశారు. సమాచారం అందిన వెంటనే అగ్నిమాపక సిబ్బంది అక్కడకు చేరుకుని మంటలను అదుపు చేశారు.
