TDP Leaders: అనంతపురం ఎస్పీతో టీడీపీ నేతల భేటీ
ABN , First Publish Date - 2022-11-28T11:42:17+05:30 IST
జిల్లా ఎస్పీ ఫక్కిరప్పతో టీడీపీ నేతలు సోమవారం ఉదయం భేటీ అయ్యారు.
అనంతపురం: జిల్లా ఎస్పీ ఫక్కిరప్పతో టీడీపీ నేతలు సోమవారం ఉదయం భేటీ అయ్యారు. అనంతరం మాజీ మంత్రి కాలవ శ్రీనివాసులు మాట్లాడుతూ.. తోపుదుర్తి చంద్రశేఖర్ రెడ్డి చేసిన వ్యాఖ్యలను వైసీపీ నేతలు సమర్థిస్తారా అని ప్రశ్నించారు. బెదిరించి భయపెట్టి రాజకీయపబ్బం గడుపుతున్నారని మండిపడ్డారు. వైసీపీ అధిష్టానం విచ్చలవిడిగా మాట్లాడే ఇలాంటి వారి పట్ల కఠినంగా ఉండాలని సూచించారు. పొడిచే పొద్దు టీడీపీది.. టీడీపీ కార్యకర్తలు మిమ్మల్ని ఎక్కడ తిరగనిచ్చే పరిస్థితి ఉండదని హెచ్చరించారు. ఈ జిల్లాలో టీడీపీ నేతలకు, కార్యకర్తలకు జరిగినంత నష్టం... కష్టం ఎక్కడా జరిగి ఉండదని కాలువ శ్రీనివాసులు అన్నారు.
