JAGAN: నర్సీపట్నంలో రేపు సీఎం వైఎస్‌ జగన్ పర్యటన
ABN , First Publish Date - 2022-12-29T17:26:26+05:30 IST
నర్సీపట్నం (Narsipatnam)లో రేపు సీఎం వైఎస్‌ జగన్ (JAGAN) పర్యటించనున్నారు.
అనకాపల్లి: నర్సీపట్నం (Narsipatnam)లో రేపు సీఎం వైఎస్‌ జగన్ (JAGAN) పర్యటించనున్నారు. ఉదయం 9 గంటలకు తాడేపల్లి నివాసం నుంచి బయలుదేరి 10.25 గంటలకు నర్సీపట్నం మండలంలోని బలిఘట్టం గ్రామానికి జగన్ చేరుకోనున్నారు. 11.15 గంటలకు జోగునాథునిపాలెం దగ్గర నర్సీపట్నం ప్రభుత్వ వైద్య కళాశాల నిర్మాణానికి జగన్ శంకుస్థాపన చేయనున్నారు. తాండవ–ఏలేరు ఎత్తిపోతల పథకం కాలువల అనుసంధాన ప్రాజెక్ట్‌కు సీఎం శంకుస్ధాపన చేస్తారు. అనంతరం జరిగే బహిరంగ సభలో ముఖ్యమంత్రి జగన్ ప్రసంగించనున్నారు. 1.25 గం.లకు నర్సీపట్నం నుంచి బయలుదేరి 3.05 గం.లకు తాడేపల్లి నివాసానికి జగన్ తిరిగి చేరుకోనున్నారు.
