AP News: అర్ధరాత్రి అల్లరేంటని ప్రశ్నించిన స్థానికులు.. రెచ్చిపోయిన యువకులు
ABN , First Publish Date - 2022-10-25T11:02:05+05:30 IST
జిల్లాలోని రాజాం మల్లికార్జున కాలనీలో కొందరు యువకులు మద్యం మత్తులో రెచ్చిపోయారు.
విజయనగరం: జిల్లాలోని రాజాం మల్లికార్జున కాలనీలో కొందరు యువకులు మద్యం మత్తులో రెచ్చిపోయారు. మద్యం సేవించిన కొందరు యువకులు అర్ధరాత్రి హంగామా చేశారు. దీంతో అర్ధరాత్రి వేళ అల్లరి ఏంటంటూ యువకులను స్థానికులు ప్రశ్నించారు. ఈ క్రమంలో ఆగ్రహం వ్యక్తం చేసిన యువకులు... ప్రశ్నించే వారిపై కర్రలతో దాడి చేస్తూ భయానక వాతావరణం సృష్టించారు. తీవ్ర భయాందోళనకు గురైన స్థానికులు ఇళ్లలో దాక్కున్నారు. సమాచారం తెలుసుకున్న పోలీసులు ఘటనా స్థలానికి చేరుకోవడంతో యువకులు పరారయ్యారు. ఈ ఘటనపై పోలీసులు కేసు నమోదు చేసి దర్యాప్తు చేపట్టారు.
