Raghunandan rao: నవంబర్ 3 తర్వాత బీఆర్ఎస్‌కు సీఆర్ఎస్ ఇస్తారు
ABN , First Publish Date - 2022-10-31T12:56:19+05:30 IST
ఎమ్మెల్యేల కొనుగోలు వ్యవహారంలో వంద కోట్లు ఎక్కడున్నాయని బీజేపీ ఎమ్మెల్యే రఘునందన్ రావు ప్రశ్నించారు.
నల్గొండ: ఎమ్మెల్యేల కొనుగోలు వ్యవహారంలో వంద కోట్లు ఎక్కడున్నాయని బీజేపీ ఎమ్మెల్యే రఘునందన్ రావు (Raghunandan Rao) ప్రశ్నించారు. సోమవారం ఏబీఎన్‌తో మాట్లాడుతూ.. డబ్బులు సంఘటనా స్థలంలో దొరికాయా... అక్కడ దొరికినవి ఎందుకు చూపించలేదని అన్నారు. నిజాం నవాబుకు చిట్ట చివరి జీవో 53 అని... సీఎం కేసీఆర్ (KCR)కు జీవో నెం 51 చివరి జీవో అని చెప్పుకొచ్చారు. ఎమ్మెల్యేల ఫోన్లు వినడం, వ్యక్తుల బ్యాంకు ఖాతాలను చూస్తూ వ్యక్తిగత జీవితంలోకి చొరబడతారా అని ఆగ్రహం వ్యక్తం చేశారు. నవంబర్ 3 తర్వాత బీఆర్ఎస్ (BRS) పార్టీకి సీఆర్ఎస్ ఇస్తారని...కేసీఆర్ (Telangana CM)ఫామ్ హోజ్‌కే పరిమితమని రఘునందన్‌రావు (BJP MLA) జోస్యం చెప్పారు.
