TS News: కవిత నివాసంలో కొనసాగుతున్న సీబీఐ విచారణ

Hyderabad: ఢిల్లీ లిక్కర్ స్కాంలో అభియోగాలను ఎదుర్కొంటున్న ఎమ్మెల్సీ కవిత (MLC Kavitha)పై సీబీఐ (CBI) విచారణ కొనసాగుతోంది. కవిత ఇంటికి ఉదయం 11 గంటలకు చేరుకున్న సీబీఐ అధికారులు ఆమెను ఇంకా ప్రశ్నిస్తున్నారు. స్కాంలో 9వ నిందితుడుగా ఉన్న అమిత్ అరోరా ఇచ్చిన స్టేట్మెంట్ ఆధారంగా సీబీఐ ప్రశ్నిస్తున్నట్లు సమాచారం. అరోరాతో ఉన్న సంబంధాలు, ఆర్థికపర లావాదేవీలపై వివరాలను రాబడుతున్నట్లు తెలుస్తోంది. సెల్ ఫోన్లు ధ్వంసం చేశారన్న ఆరోపణలు ఎదుర్కొంటున్న కవిత..గతంలో ఆమె వాడిన ఫోన్లు వివరాలు అడిగి తెలుసుకుంటున్నట్లు సమాచారం. రూ. 100 కోట్లు అరోరా నుంచి విజయ నాయర్‌కు బదిలీ అయిన వ్యవహారంపై విచారణ కొనసాగుతున్నట్లు తెలిసింది.