Draupadi Murmu: రాష్ట్రపతి ముర్ముకు స్వాగతం పలికిన కేసీఆర్

హైదరాబాద్: హకీంపేట్ ఎయిర్‌పోర్టు (Hakimpet Airport)లో రాష్ట్రపతి ద్రౌపదీ ముర్ముకు సీఎం కేసీఆర్ (CM KCR) స్వాగతం పలికారు. హకీంపేట్ ఎయిర్‌పోర్టు నుంచి నేరుగా బొల్లారంలోని రాష్ట్రపతి నిలయానికి ద్రౌపది ముర్ము (Draupadi Murmu) చేరుకుంటారు. శీతాకాల విడిదిలో భాగంగా తెలంగాణకు రాష్ట్రపతి వచ్చారు. బొల్లారంలోని రాష్ట్రపతి నిలయంలో ఐదు రోజుల పాటు బస చేస్తారు. రోజు రాజ్‌భవన్‌లో జరిగే విందు కార్యక్రమానికి రాష్ట్రపతి హాజరవుతారు. అయితే ఈ విందుకు కేసీఆర్ హాజరుపై అనుమానాలు వ్యక్తమవుతున్నాయి. ఇప్పటివరకు సీఎం షెడ్యూల్‌లో గవర్నర్ విందు కార్యక్రమం లేకపోవడం గమనార్హం. రాష్ట్రపతి పర్యటన సందర్భంగా సోమవారం నుంచి శుక్రవారం వరకు హైదరాబాద్‌లోని పలు ప్రాంతాల్లో ట్రాఫిక్‌ ఆంక్షలు అమల్లో ఉంటాయని పోలీసు ఉన్నతాధికారులు తెలిపారు.