Munugode By Election: రాజగోపాల్‌రెడ్డిని గెలిపించాలంటూ.. వైఎస్సార్‌ డూప్‌ ప్రచారం

మునుగోడు: మునుగోడు ఉపఎన్నిక (Munugode By Election)లో వివిధ రాజకీయ పార్టీలు తమ అభ్యర్థి గెలుపుకోసం వినూత్న రీతిలో ప్రచారాలు సాగిస్తున్నాయి. బీజేపీ అభ్యర్థి కోమటిరెడ్డి రాజగోపాల్‌రెడ్డి (Komati Reddy Rajagopal Reddy) గెలుపు కోరుతూ ఉమ్మడి ఆంధ్రప్రదేశ్‌ మాజీ ముఖ్యమంత్రి, దివంగత వైఎస్‌ రాజశేఖర్‌రెడ్డి (YS Rajasekhar Reddy) వేషధారణతో నల్లగొండ జిల్లా నకిరేకల్‌ మండలం చందుపట్ల గ్రామ శివారు పాదురోరిగూడెంకు చెందిన శ్రీనివాస్‌ మునుగోడు మండల కేంద్రంతోపాటు కమ్మగూడెం తదితర గ్రామాల్లో ఆదివారం ప్రచారం నిర్వహించారు. అక్కా, చెల్లెళ్లు, అన్నాతమ్ముళ్లు అంటూ వైఎస్సార్‌ స్వరంతో బీజేపీ ప్రచార రథంపై మాట్లాడుతూ ముందుకు సాగుతున్నారు. కమలం పువ్వు గుర్తుకు ఓటు వేయాలని కోరుతూ ప్రచారం చేశారు. ఆమాటలు విన్న ప్రజలు ఇంట్లో నుంచి బయటకు వచ్చి ఆశ్యర్యంగా చూస్తుండిపోతున్నారు. వైఎస్సార్‌ కాకపోయినా ఎక్కువ మంది మాత్రం వైఎస్సార్‌ గొంతువింటూ నిజమేమోనని ఆశ్చర్యానికి గురయ్యారు.