AP NEWS: పుట్టపర్తి అర్బన్ పోలీస్ స్టేషన్ ఎదుట తాగుబోతు వీరంగం

శ్రీ సత్యసాయి జిల్లా: పుట్టపర్తి అర్బన్ పోలీస్ స్టేషన్ ఎదుట తాగుబోతు వీరంగం సృష్టించాడు. రోడ్డుకు అడ్డంగా నడిచి వెళుతున్న తాగుబోతును పక్కకు వెళ్లాలని ఆర్టీసీ బస్సు డ్రైవర్ హారన్ కొట్టడంతో రెచ్చిపోయాడు. తాను వెళుతుంటే హారన్ కొడతావా అంటూ రోడ్డుపై పడుకొన్నాడు. వాహనాలకు అడ్డంగా నడిరోడ్డుపై బైఠాయించాడు. దీంతో ప్రయాణికులు, భక్తులు అసౌకర్యానికి గురయ్యారు. సర్ది చెప్పబోయిన స్థానికులు, పోలీసులపై దాడికి యత్నించాడు. బూతుపురాణంతో తాగుబోతు హడల్ ఎత్తంచాడు. ఎట్టకేలకు అతన్ని స్థానికులు ఆటోలో ఇంటికి తరలించారు. పుట్టపర్తికి చెందిన టాటా మ్యాజిక్ డ్రైవర్ హరిగా పోలీసులు గుర్తించారు.