AP News: అనంతలో రైతుపై ఎలుగుబంటి దాడి
ABN , First Publish Date - 2023-08-29T10:02:31+05:30 IST
జిల్లాలోని కళ్యాణదుర్గం మండలంలో ఎలుగుబంటి సంచారం కలకలం రేపింది.
అనంతపురం: జిల్లాలోని కళ్యాణదుర్గం మండలంలో ఎలుగుబంటి సంచారం కలకలం రేపింది. కుర్లపల్లి గ్రామ శివారులో రైతు యల్లప్పపై ఎలుగుబంటి దాడి చేసింది. ఈ దాడిలో రైతు తీవ్రంగా గాయపడ్డాడు. ఎలుగుబంటిని దాడిలో భయాందోళనకు గురైన గ్రామస్తులు వెంటనే కేకలు వేయడంతో ఎలుగుబంటి అక్కడి నుంచి పరుగులు తీసింది. రైతు యల్లప్ప పొట్ట భాగంలో తీవ్రగాయాలయ్యాయి. వెంటనే అతడిని చికిత్స నిమిత్తం కళ్యాణదుర్గం ప్రభుత్వాస్పత్రికి తరలించారు. ప్రాథమిక చికిత్స అనంతరం మెరుగైన వైద్యం కోసం అనంతపురం ఆసుపత్రికి తరలించారు. గ్రామంలో వరుసగా ఎలుగుబంటి దాడితో గ్రామస్తులు భయాందోళనకు గురవుతున్నారు. ఎలుగుబంటిని బంధించాల్సిందిగా అటవీశాఖ అధికారులను గ్రామస్తులు కోరుతున్నారు.
