Anantapuram: ఆర్టీవో కార్యాలయం వద్ద పేలుడు..

అనంతపురం: ఆర్టీవో కార్యాలయం (RTO Office) వద్ద పేలుడు (Explosion) జరిగింది. కెమికల్ డబ్బా (Chemical Can) ఓపెన్ (Open) చేస్తుండగా భారీ ప్రమాదం చోటు చేసుకుంది. పేలుడు ధాటికి అపార్టుమెంట్ వాచ్‌మెన్ (Apartment Watchman) సతీష్ (Satish) అక్కడికక్కడే మృతిచెందాడు. సమాచారం అందుకున్న పోలీసులు సంఘటన ప్రదేశానికి చేరుకుని కేసు నమోదు చేసి దర్యాప్తు చేపట్టారు. ఈ పేలుడుతో అనంతపురం నగరం ఒక్కసారిగా ఉలిక్కిపడింది.

అనంతపురం ఆర్టీవో కార్యాలయం సమీపంలో శ్రీ బాలాజీ స్టిక్కర్స్ స్ప్రే పెయింట్స్ షాపు (Sri Balaji Stickers Spray Paints Shop) ఉంది. ఇక్కడ గత 9 రోజులుగా గోడౌన్ (Godown) ఏర్పాటు చేసుకుని స్ప్రే అమ్మకాలతో పాటు పేయింట్‌కు సంబంధించిన కార్యకలాపాలు కూడా చేస్తున్నారు. అయితే కొన్ని రోజులుగా వాడని పేయింట్ డబ్బాలు (Paint Cans) ఉన్నాయి. వాటిని సమీపంలో ఉన్న అపార్టుమెంట్ వాచ్‌మెన్‌కు అమ్ముకోమని షాపు యజమాని చెప్పారు. దీంతో శుక్రవారం మధ్యాహ్నం పెయింట్ డబ్బాలు తెరుస్తుండగా ఒక్కసారిగా పేలుడు జరిగినట్లు స్థానికులు తెలిపారు. ఈ ప్రమాదంలో వాచ్‌మెన్‌ సతీష్ శరీరం తునాతునకలైంది. దీంతో అక్కడ భయానక వాతావరణం ఏర్పడింది. షాపు యజమానిని పోలీసులు అదుపులోకి తీసుకుని విచారిస్తున్నారు. పూర్తి సమాచారం అందవలసి ఉంది.