Yuvagalam: యువగళం పునఃప్రారంభానికి ఏర్పాట్లు.. ఈ రోజు సాయంత్రమే బయలుదేరనున్న యువనేత

రాజోలు: సోమవారం (రేపు) నుంచి పున:ప్రారంభం కానున్న టీడీపీ (TDP) జాతీయ ప్రధాన కార్యదర్శిన నారా లోకేశ్ (Nara Lokesh) యువగళం (Yuvagalam) పాదయాత్రకు ముమ్మర ఏర్పాట్లు జరుగుతున్నాయి. టీడీపీ శ్రేణులు భారీగా ఏర్పాట్లు చేస్తున్నాయి. అంబేద్కర్ కోనసీమ జిల్లారాజోలు మండలం పొదలాడ నుంచి సోమవారం పాదయాత్ర పునఃప్రారంభం కానుంది. ఇందుకోసం నారా లోకేశ్ ఆదివారం సాయంత్రమే అక్కడికి చేరుకోనున్నారు.

రేపటి నుంచి మొదలు కానున్న ఈ యాత్రంలో టీడీపీ, జనసేన శ్రేణులు పెద్ద సంఖ్యలో పాల్గొననున్నారు. మొదటి రోజు పాదయాత్ర 15 కిలోమీటర్ల మేర కొనసాగనుంది. స్కిల్ డెవలప్‌మెంట్ కేసులో చంద్రబాబు అరెస్ట్ నేపథ్యంలో సెప్టెంబర్ 9న పాదయాత్ర నిలిచిపోయిన విషయం తెలిసిందే. తిరిగి దాదాపు రెండున్నర నెలల తర్వాత ఈ యాత్ర పున:ప్రారంభం కాబోతోంది.