BJP: పురందేశ్వరిపై పోసాని వ్యాఖ్యలను ఖండించిన బీజేపీ నేత భానుప్రకాశ్ రెడ్డి

తిరుపతి: ఏపీ బీజేపీ అధ్యక్షురాలు పురందేశ్వరిపై నటుడు, ఆంధ్రప్రదేశ్ ఫిల్మ్ డెవలప్‌మెంట్ కార్పొరేషన్ చైర్మన్ పోసాని కృష్ణమురళి (Posani Krishna Murali) చేసిన వ్యాఖ్యలను బీజేపీ నేత భానుప్రకాశ్ రెడ్డి (BJP leader Bhanuprakash Reddy) తీవ్రంగా ఖండించారు.

"మీ నాయకుడిలా వేల కోట్ల రూపాయలు దోచుకున్న నాయకుడు ప్రపంచంలోనే లేదు. పేటీఎంలో డబ్బు ఇస్తున్నారు కదా అని ఇష్టానుసారం మాట్లాడకు. రాబోయే రోజుల్లో పరిణామాలు తీవ్రంగా ఉంటాయి. నువ్వు ఉండాల్సింది పిచ్చి ఆసుపత్రిలో. ప్రజల మధ్య పిచ్చి కుక్క ఉంటే తన్ని తరిమేస్తారు. పోసాని అదే నీకు జరగబోయేది. కొబ్బరి బోండాం గానీ, చివరకు ఒక్క బజ్జీ కొన్నా డిజిటల్ ట్రాన్సయాక్షన్ జరగుతుంటే... ఈ రాష్ట్రంలో మద్యం అమ్మకాల్లో ఎందుకు క్యాష్ తీసుకుంటున్నారు?. డిజిటల్ ట్రాన్సయాక్షన్ ఎందుకు జరగటం లేదు?. మద్యంలో వేలాది కోట్లు కుంభకోణం జరుగుతోంది. మద్యం కుంభకోణంపై సిట్టింగ్ జడ్జిపైన విచారణ చేయించాలి. పిచ్చి పోసాని మురళీని పార్టీ నుంచి జగన్ తరిమికొట్టకపోతే... జగన్ ను ప్రజలు తరిమి కొట్టే రోజులు దగ్గర్లోనే ఉంటుంది." అని భానుప్రకాశ్ రెడ్డి అన్నారు.