Chandrababu: విశాఖలో జాతీయ జెండాతో ఉత్సాహంగా చంద్రబాబు పాదయాత్ర

విశాఖపట్నం: Novotel నుంచి టీడీపీ అధినేత నారా చంద్రబాబునాయుడు జాతీయ జెండాతో చంద్రబాబు పాదయాత్ర ప్రారంభమైంది. హుషారుగా చంద్రబాబు పాదయాత్ర కొనసాగుతోంది. జై బాబు.. జై జై బాబు అంటూ నినాదాలు కార్యకర్తలు నినాదాలు చేస్తున్నారు. జాతీయ గీతాలు, దేశ భక్తి గీతాలతో బాబు యాత్ర సాగుతోంది. ఆర్కే సముద్ర తీరం జన సంద్రంగా మారింది.

ఆర్కే బీచ్ రోడ్డులో ఎన్టీఆర్ విగ్రహానికి నివాళులు అర్పించిన చంద్రబాబు సుమారు రెండున్నర కిలో మీటర్ల మేర పాదయాత్ర సాగుతోంది. ఎన్టీఆర్ విగ్రహం నుంచి అల్లూరి విగ్రహం వరకు జాతీయ జెండాతో చంద్రబాబు పాదయాత్ర చేస్తున్నారు. అనంతరం ఎంజీఎం గ్రౌండ్ లో బహిరంగ సభలో ప్రసంగిస్తారు. 2047 విజన్ డాక్యుమెంట్‌ను చంద్రబాబు ఆవిష్కరిస్తారు. వివిధ వర్గాల మేధావులతో చర్చ కార్యక్రమంలో పాల్గొంటారు. పార్టీల అతీతంగా కార్యక్రమాల నిర్వహణ చేపట్టారు. జాతీయ జెండాలతో ఆర్కే బీచ్ రెపరెప లాడుతోంది.